2 Ko ni kuro! Na anɛ fi iyit fi in mi kus yit na anɛn yit, da ti in sot yit bafi ira me yɛ? 3 Iyin rēn yin fok ngma yit fɛ́ ba kin man ki ra yit abatisma na Anet-Isheshek aYeso, ba mi ki ra yit abatisma sak ni iku wu awɛ? 4 Nek anɔng, ba mi ki nɛt yit gung ni iwu na abatisma, in mi sot yit bazining ni iku wu, nek kyɔn tɛ ba kin di donong na Anet-Isheshek ni iku, ayɛt ízɔk Ada Adakunom, anɔng fi iyit da nye yit kusot ayɛt kutset kufas.

5 Nek ki in mi sot yit bazining ni iwu ni iku wu, i se gbing-gbing in bi sɛ yit idoro ifaben ni iwu. 6 Nek iyit rēn yit fok, ba kin tekak anet azen yit gung ni iwu, nɔng ba bin di fɛt nggɔn anɛn irɔm yit, nɔng da in bi ti in sot yit basam inɛn awo. 7 Nek ngma ayɔng fɛ́ a kin man ku, ba man ku bisik nawop inɛn yɔng.