Provérbios 4

Malanguso ga luhala kulawa kwa mhaza

1 Wana wa heni, mhulichize malanguso ga mhaza wa hemwe,

mhulichize goya leka muwe na nyhala.

2 Ndanguwapa malajizo ganojile,

ahyo mleche kulema malanguso ga heni.

3 Heni kahi nandali mwana yawele na mhaza,

nandali chali na mwana wa udewele wa mayangu.

4 Mhaza wa heni nakandangusa chinhu achi,

"Wibatilile kwa nhumbula yeng’ha ulonzi wa heni,

na mizilo ja heni, nagwe kochikala.

5 Wiholele luhala, wiholele kuvizela,

uleche kuusemwa ne kuugaluka ulonzi wa heni.

6 Uleche kumleka luhala, naye kokulolela,

umgane, naye kokwamila.