1 ମୁଲ୍ ନିଅମ୍‌ନ୍ନିଆ ପୁଜା ଡିଂନେ ନିଅମ୍ ଆରି ରେମୁଆଁ ଆରେକ୍ନେ ମୁଇଙ୍ଗ୍ ପୁଜା ଡିଂନେ ଟାନ୍ ବିସ‍ଏରେ ଗ୍ନୁଆର୍ ଲେଃଗେ । 2 ଆତେନ୍‌ ଅନୁସାରେ ମୁଇଙ୍ଗ୍ ପାର୍‌ତନା ଡିଙ୍ଗ୍‌ନେ କୁଡ଼ିଆ ତିଆର୍ ଡିଙ୍ଗ୍‌ଲେଃଗେ । ଆତ୍‌ଅରିଆ ଲେଃକ୍ନେ ପର୍‌ତୁମ୍ ବାକ୍‌ରାକେ ପବିତ୍ର ଟାନ୍ ବାସଙ୍ଗ୍‌ଡିଂଆର୍‌ଗେ । ଏନ୍ ବିତ୍ରେ ପିତଲ୍ ଏତେ ଆରେବକ୍ନେ କୁପିସ ବନେ ଅର୍‌କି ମୁଇଙ୍ଗ୍ ବାଲା ଆରି ବାଲା ଆଡ଼ାତ୍ରା ଇସ୍‌ପର୍‌ନେ ମ୍ନିରେ ପୁଜା ଡିଂବଗ୍ନେ ରୁଟି ଲେଃଗେ । 3 କୁଡ଼ିଆ ପ୍ଲାପାକା ମୁଡ଼ି ମ୍ବାକ୍ଲିଗ୍ ବାକ୍‌ରା ଲେଃଗେ । ଆତେନ୍‌କେ ମ୍ନାପବିତ୍ର ଟାନ୍ ବାସଂଡିଂଆର୍‌ଗେ । 4 ଆତ୍‌ଅରିଆ ମୁଇଙ୍ଗ୍ ସୁନା ଦୁପ୍ ମଣ୍ଡପ୍ ବାରି ସୁନା ସାଜକ୍ନେ ନିଅମ୍ ପିଡ଼ି ଲେଃଗେ । ଆକେନ୍ ପିଡ଼ି ବିତ୍ରେ ମାନ୍ନା ଲେଃକ୍ନେ ମୁଇଙ୍ଗ୍ ସୁନା ଙ୍କୁଇ ହାରୋଣନେ ତ୍ମି ଉଲିଆ ତାର୍‌କ୍ନେ ଡୁଡୁ ବାରି ଇସ୍‌ପର୍‌ନେ ସାମୁଆଁ ଗୁଆର୍‌କ୍ନେ ମ୍ବାକ୍ଲିଗ୍ ବ୍ରି ପାଟା ଲେଃଗେ । 5 ପିଡ଼ି ଆଡ଼ାତ୍ରା ଇସ୍‌ପର୍ ପାଙ୍ଗ୍‌ଲେଃକ୍ନେ ମାତ୍ନାକ୍ନେ ରକମ୍ ଡେନା ଲେଃକ୍ନେ ମ୍ବାକ୍ଲିଗ୍ ଜିବ୍‌ନେ ମୁର୍ତି ଲେଃଗେ । ଆକ୍‌ମେଇଂ "ପାପ୍‌ କେମା" ଟାନ୍ ଆଡ଼ାତ୍ରା ଡେନା ତାଲୁଏଚେ ଲେଃଆର୍‌ଗେ ମାତର୍‌ ଏବେ ଏନ୍ ସାପାନେ ସତ୍ ସାମୁଆଁ ବାଲିର୍‌ବାତା ଡିଂନେ ଦର୍‌କାର୍ ଣ୍ଡୁ । ପାର୍‌ତନା ଡୁଆନେ ଆଲସାଙ୍ଗ୍‌