1 ଆକେନ୍‌ ଇଡ଼ିଂ ମାପ୍‌ରୁ ମୋଶାକେ ବାସଙ୍ଗ୍‌କେ, 2 ନା ପର୍‌ତୁମ୍‍ ଆର୍କେନେ ପର୍‌ତୁମ୍‌ ଦିନା କୁକପାର୍‌ କୁଡ଼ିଆନେ ପବିତ୍ର କୁଡ଼ିଆ ନାରାଃରେଏ । 3 ବାରି ଆତ୍‌ଅରିଆ ସାକି ରକମ୍‌ ଲାଏକ୍ନେ ପେଡ଼ି ବଚେ ପର୍‌ଦା ଆୱେଜଙ୍ଗ୍‌ଚେ ଆତେନ୍‌ ପେଡ଼ିକେ ଡାନାବିଏ । 4 ଇଡ଼ିଂ ଟେବୁଲ୍‌ ବିତ୍‌ରେ ଡୁଂପାଂଚେ ମେଁ ଆରାତ୍ରା ଜିନିସ୍‌ଇଂ ସାଇଜ୍‌ରେ ନାବଏ । ଆରି କୁପି ସ୍ଟାଣ୍ଡ୍‌ ବିତ୍‌ରେ ଡୁଂପାଙ୍ଗ୍‌ଚେ ଆତ୍‌ଅରିଆ କୁପି ସାପା ପେରାଃଡୁଆଏ । 5 ସାକି ପେଡ଼ି ସାମ୍‌ନେ ସୁନାନେ ଦୁପ୍‌ ବେଦି ପେବଏ, ବାରି ପବିତ୍ର ଡୁଆନେ ବାଜାର୍‌କେ ଡିଡାନେ ପାଟାଇ ପେରାଃୱେଜଙ୍ଗ୍‌ଏ । 6 ଆରି କୁକପାର୍‌ କୁଡ଼ିଆନେ ପ୍ଲେଡ଼ିଆ ସାମ୍‌ନେ ସୁଆ ବଲି ବେଦି ପେବଏ । 7 କୁକପାର୍‌ କୁଡ଼ିଆ ଆରି ବେଦିଅରିଆ ଞ୍ଚ ନ୍ତି ଗୁଏଚଗୁଇତିନେ ଙ୍କୁଇ ବଚେ ଆତ୍‌ଅରିଆ ଣ୍ଡିଆଃ ବର୍ତି ପେରାଃଡିଂଏ । 8 ବାରି, ପିତୁର୍‌ ପାକା ପ୍ଲେଡ଼ିଆ ପେରାଃରେଏ ବାରି ପ୍ଲେଡ଼ିଆ ବାଜାର୍‌ନିଆ ଡିଡାନେ ପାଟାଇ ପେରାଃୱେଜଙ୍ଗ୍‌ଏ ।

9 ଆକେନ୍‌ ଇଡ଼ିଂ ବାଆଃନିଆ କିଗ୍‌ନେ ଞ୍ଚୁ ରାଙ୍ଗ୍‌ୱେଚେ ପବିତ୍ର କୁଡ଼ିଆ ଆରି ଆତ୍‌ବିତ୍‌ରେ ଲେକ୍ନେ ସାପା ଜିନିସ୍‌ ଆସିର୍ବାଦ୍‌ ଡିଂଚେ ଆତେନ୍‌ ବାରି ଆତ୍‌ଅରିଆ ଲେକ୍ନେ ସାପା ଜିନିସ୍‌ଇଂକେ ପବିତ୍ର ପେଡିଂଏ । ତେଲା ଆତେନ୍‌ ପବିତ୍ର ଡିଂଏ । 10 ଆରି, ପେ ସୁଆ ବଲି ବେଦି ଆରି ଆତ୍‌ଅରିଆନେ ସାପା ଜିନିଷ୍‌କେ ଆସିର୍ବାଦ୍‌ ଡିଂଚେ ପବିତ୍ର ପେଡିଂଏ । ତେଲା ଆତେନ୍‌ ବେଦି ଜାବର୍‌ ପବିତ୍ର ଡିଂଏ । 11 ଆରି ପେ ଞ୍ଚ ନ୍ତି ଗୁଏଚଗୁଇତିନେ ଙ୍କୁଇ ବାରି ଆତ୍‌ଅରିଆ କନେ ଜାଗା ଆସିର୍ବାଦ୍‌ ଡିଂଚେ ପବିତ୍ର ପେଡିଂଏ । 12 ତେନ୍‌ଇଡ଼ିଂ ମେଁ ହାରୋଣକେ ବାରି ମେଁନି ଉଂଡେଇଂକେ କୁକପାର୍‌ କୁଡ଼ିଆନେ ବାଜାର୍‌ ଡାଗ୍ରା ଡୁଂପାଂଚେ ଣ୍ଡିଆନିଆ ପେରାଃକୁମାଏ । 13 ବାରି ନେ ମ୍ନିରେ ପୁଜାରି କାମ୍‌ ଡିଂନ୍‌ସା ହାରୋଣକେ ପବିତ୍ର ପାଟାଇ ଆଃସଚେ ବାଆଃ ଞ୍ଚୁ କିଗ୍‌ଚେ ଆସିର୍ବାଦ୍‌ ପେଡିଂଏ । 14 ଆରି ମେଁନି ଉଂଡେଇଂକେ ଡୁଂପାଙ୍ଗ୍‌ଚେ ସକା ପେରାଃସଏ । 15 ବାରି ମେଙ୍ଗ୍‌ନେ ବାଡ଼େକେ ଡିରକମ୍‌ ବାଆଃ ଞ୍ଚୁ ପେକିଗ୍‌ଏ । ଦେତ୍‌ରକମ୍‌ ଆମେଇଂକେ ଡିଗ୍‌ ବାଆଃ ଞ୍ଚୁ ପେକିଗ୍‌ଏ । ତେଲା ମେଇଂ ନେନେ ପୁଜାରି କାମ୍‌ ଡିଂଆର୍‌ଏ । ଆତେନ୍‌ ଆସିର୍ବାଦ୍‌ ମେଙ୍ଗ୍‌ନେ ନ୍ତାଞ୍ଜାଃନେବାନ୍‌ ମାଡାନେ କାଲ୍‌ ଜାକ ପୁଜାରି କାମ୍‌ ବାବ୍‌ରେ ସେବା ଡିଂଆର୍‌ଏ । 16 ମୋଶା ମାପ୍‌ରୁନେ ସାପା ନିଅମ୍‌ ମାନେଚେ ମେଁନି ଆଦେସ୍‌ ଅନୁସାରେ କାମ୍‌ ଡିଂକେ । 17 ଆତେନ୍‌ ଇଡ଼ିଂ ମୋଶାବାନ୍‌ ମାପ୍‌ରୁନେ ଆଦେସ୍‌ ଅନୁସାରେ ଦୁତିୟ ମୁଆଁନେ ପର୍‌ତୁମ୍‌ ଦିନା ପବିତ୍ର କୁଡ଼ିଆ ଆଃରେବଆର୍‌ଗେ । 18 ବାରି, ମୋଶା ପବିତ୍ର ଡୁଆ ଆଃରେକେ । ଇଡ଼ିଂ ଗୁଟ୍‌କା ବିଚେ ପାଟା ଆଃକଚେ ଗାଡ଼ା ଆଃକଚେ ଇଡ଼ିଂ ଡେଲି ଆଃତୁଆଁକେ । 19 ଇଡ଼ିଂ ମେଁ ବାସାକ୍ନେ ଡୁଆ ଆରାତ୍ରା କୁଡ଼ିଆ ଆଃଲମ୍ୱେକେ ବାରି କୁଡ଼ିଆ ଆରାତ୍ରା ସ୍ଲାପ୍‌ ତ୍ଲାଗ୍‌କେ । 20 ଆକେନ୍‌ ଇଡ଼ିଂ ମୋଶା ଆରାତ୍ରା ମାପ୍‌ରୁନେ ଆଦେସ୍‌ ଅନୁସାରେ ମେଁ ସାକି ପେଡ଼ି ରାଙ୍ଗ୍‌ୱେଚେ ପେଡ଼ି ବିତ୍‌ରେ ବକେ । ବାରି ପେଡ଼ିନିଆ ଟେଙ୍ଗ୍‌ ତ୍ଲାଗ୍‌ଚେ ପେଡ଼ି ଆରାତ୍ରା ପାପ୍‌କେ ଡିଡାନେ ପାଟେଇ ବକେ । 21 ବାରି ଆତେନ୍‌ ଡୁଆ ବିତ୍‌ରେ ପେଡ଼ି ଡୁଂପାଂଆର୍‌କେ ବାରି ଡିଡାନେ ପର୍‌ଦା ଆୱେଜଙ୍ଗ୍‌ଚେ ସାକିନେ ପେଡ଼ିକେ ଡାଆର୍‌କେ ।

22 ଆକେନ୍‌ ଇଡ଼ିଂ ମୋଶାନେ ଆଡ଼ାତ୍ରା ମାପ୍‌ରୁନେ ଆଦେସ୍‌ ଅନୁସାରେ ମେଁ ପବିତ୍ର ଡୁଆନେ ଉତ୍ତର ପାକା ପର୍‌ଦାନେ ବାଏରେ କୁକପାର୍‌ କୁଡ଼ିଆନିଆ ଟେବୁଲ୍‌ ବକେ । 23 ଆକେନ୍‌ ଇଡ଼ିଂ ମେଁ ମାପ୍‌ରୁନେ ସାମ୍‌ନେ ନିଅମ୍‌ ଅନୁସାରେ ଆତେନ୍‌ ଆରାତ୍ରା ରୁଟି ବକେ । 24 ଆକେନ୍‌ ଇଡ଼ିଂ ମୋଶାନେ ଆଡ଼ାତ୍ରା ମାପ୍‌ରୁନେ ଆଦେସ୍‌ ଅନୁସାରେ ଟେବୁଲ୍‌ ସାମ୍‌ନେ ପବିତ୍ର ଡୁଆନେ ଦକିନ୍‌ ପାକା କୁକପାର୍‌ କୁଡ଼ିଆନ୍ନିଆ କୁପି ସ୍ଟାଣ୍ଡ୍‌ ବକେ । 25 ଆରି ମାପ୍‌ରୁନେ ସାମ୍‌ନେ ଦିପ୍‌ ଆଃଡୁଆକେ । 26 ଆରି ମୋଶାନେ ଆଡ଼ାତ୍ରା ମାପ୍‌ରୁନେ ଆଦେସ୍‌ ଅନୁସାରେ ମେଁ କୁକପାର୍‌ କୁଡ଼ିଆନ୍ନିଆ ପର୍‌ଦା ସାମ୍‌ନେ ସୁନାନେ ବେଦି ବକେ । 27 ଆରି ଆତେନ୍‌ ଆରାତ୍ରା ବାସ୍ନା ବିଃନେ ଦୁପ୍‌ ଆଃମକେ । 28 ବାରି ମେଁ ପବିତ୍ର ଡୁଆନେ ର୍ଣ୍ଣସାଂନିଆ ଡାନେ ପାଟେଇ ଆୱେଜଙ୍ଗ୍‌ ବିଃକେ । 29 ବାରି କୁକପାର୍‌ କୁଡ଼ିଆନେ ପବିତ୍ର ଡୁଆନେ ର୍ଣ୍ଣସାଂ ଡାଗ୍ରା ସୁଆ ବଲି ବେଦି ବଚେଃ ମେଁ ଆରାତ୍ରା ସୁଆ ବଲି ବାରି ପୁଜା ଜିନିସ୍‌ ବିଃକେ । 30 ଆକେନ୍‌ ଇଡ଼ିଂ ମୋଶା ଆଡ଼ାତ୍ରା ମାପ୍‌ରୁନେ ଆଦେସ୍‌ ଇସାବ୍‌ରେ ମେଁ କୁକପାର୍‌ କୁଡ଼ିଆ ବାରି ବେଦିନେ ମଜେ ଞ୍ଚ ନ୍ତି ଗୁଏଚଗୁଇତିନେ ଙ୍କୁଇ ବଚେଃ ମେଁ ଆରାତ୍ରା ଗୁଏଚଗୁଇତି ନ୍‌ସା ଣ୍ଡିଆ ତାଃନଆର୍‌କେ । 31 ତେଲା ମୋଶା ବାରି ହାରୋଣ ବାରି ମେଁନେ ଉଂଡେଇଂ ନିଜେ ନିଜେନେ ନ୍ତି ଞ୍ଚ ଗୁଏଚଗୁଇତି ଆର୍‌କେ । 32 ଉଃଡ଼ିବେଲା ଡିଗ୍‌ ମେଇଂ ସାପାରେ କୁକପାର୍‌ କୁଡ଼ିଆନ୍ନିଆ ଗାଆର୍‌କେ ଡାଗ୍‌ଲା, ବେଦି ଡାଗ୍ରା ପାଙ୍ଗ୍‌ଆର୍‌କେ, ଆତେନ୍‌ ବେଲା ମେଇଂ ଞ୍ଚ ନ୍ତି ଗୁଏଚଗୁଇତି ଆର୍‌କେ । 33 ଆକେନ୍‌ ପରେ ମେଁ ପବିତ୍ର ଡୁଆନେ ବାରି ବେଦିନେ ପିତୁର୍‌ ପାକା ପ୍ଲେଡ଼ିଆ ଆଃରେଆର୍‌କେ ବାରି ପ୍ଲେଡ଼ିଆନେ ର୍ଣ୍ଣସାଂ ଡାଗ୍ରା ଡିଡାନେ ପାଟେଇ ଆୱେଜଙ୍ଗ୍‌ଆର୍‌କେ । ଦେକ୍‌ରକମ୍‌ ମୋଶା ଆତେନ୍‌ ସାପା କାମ୍‌ ଆଃଡାକେ ।

34 ଆକେନ୍‌ ଇଡ଼ିଂ ତ୍ରିଗ୍‌ଡ଼ିଆ ଆତେନ୍‌ କୁକପାର୍‌ କୁଡ଼ିଆକେ ଡାବିଃକେ ଆରି ମାପ୍‌ରୁନେ ମହିମା ପବିତ୍ର ଡୁଆକେ ବର୍‌ତି ଆଃଡିଂକେ । 35 ଆତ୍‌ବା ମୋଶା ସାପାରେ କୁକପାର୍‌ କୁଡ଼ିଆନ୍ନିଆ ଗା ଆୟାକେ ଣ୍ଡୁ । ମେଃଡାଗ୍‌ଲା ତ୍ରିଗ୍‌ଡ଼ିଆ ତେନ୍‌ ଆଡ଼ାତ୍ରା ଡାଚେ ବଗେ ବାରି ମାପ୍‌ରୁନେ ମହିମା ପବିତ୍ର କୁଡ଼ିଆଅରିଆ ବର୍‌ତି ଆଃଡିଂବଗେ । 36 ବାରି ପବିତ୍ର କୁଡ଼ିଆ ଆରାତ୍ରାବାନ୍‌ ଉଡ଼ିବେଲା ତ୍ରିଗ୍‌ଡ଼ିଆ ଆରାତ୍ରା ଲାଗ୍‌ଡକେ, ଆତେନ୍‌ ବେଲା ଇସ୍ରାଏଲ୍‌ନେ ରେମୁଆଁଇଂ ଡିଗ୍‌ ସିସେ ଅଲେଙ୍ଗ୍‌ଆର୍‌କେ । 37 ମାତର୍‌ ତ୍ରିଗ୍‌ଡ଼ିଆକେ ଉଡ଼ିବେଲା ଆରାତ୍ରା ରାଙ୍ଗ୍‌ଆୱେକେ, ଆତେନ୍‌ ବେଲା ଆରାତ୍ରା ଡୁଂ ମାୱେକ୍ନେ ଦିନା ଜାକ ମେଇଂ ସିସେ ଆଅଲେଙ୍ଗ୍‌ଆର୍‌କେ । 38 ମେଃଡାଗ୍‌ଲା ସାପା ଇସ୍ରାଏଲ୍‌ ବଂସନେ ମ୍‌ମୁଆଃ ସାମ୍‌ନେ ମେଇଂନେ ସାପାରେ ୱେନେ ଗାଲିଅରିଆ ସ୍ମି ବେଲା ମାପ୍‌ରୁନେ ତ୍ରିଗ୍‌ଡିଆ ବାରି ମିଡିଗ୍‌ ବେଲା ସୁଆ ବାସାନେ ଡୁଆ ଆରାତ୍ରା ପାଙ୍ଗ୍‌ଚେ ଲେଃଗେ ।