EFESO 1

Pawuli wusambidila bisi Efeso

15 Ni hahoho, bu nayuwa nsangu zi kiminu kyeno mu dyambu di Mfumu Yesu na luzolo lweno ku bantu bamvimba bavwihulu ku Nzambi, 16 nina tatamana mu vutula matondo ku Nzambi mu dyambu dyeno. Bu nakwe sambilanga, nakwe lubambukilanga moyo, 17 mpe nakwe lombanga ku Nzambi yi Mfumu eto Yesu-Klisto, Tata di nkembo, ka luhaana Mpeve yi ndwenga ya luzabikisa bonso bu kadi, mwanki lutoma mu zaba. 18 Bika kakyenzola mitima myeno, mwanki lubakula kivuvu kyandi ki kalukubikila mu mbokolo eno. Mpe lubakula kimvwama kinkembo mu difwa di kakubika ha kati di bantu bavwihulu ku Nzambi, 19 mpe lubakula lulendo lungitukulu luu nandi mu yeto tukwe kwikilanga. Lulendo na ngolo zandi, 20 za kalonka mu mfulukulu yi Klisto mu bafwa, mpe wumuzakisa ku Yulu, ku kooko kwandi ku lubakala. 21 Klisto bamuhaana luyaalu lu zintinu zimvimba, lu zimfumu zimvimba, lu bamvimba baa na lulendo, lu bamvimba bakwe yaalanga nza mpe lu konso nkumbu yi balendi zonzila mu ntangu beyiyi na yina kwiza. 22 Nzambi wutuula bima bimvimba ku nsye lutambi lu Klisto mpe wumuhaana ku dibundu mu ba mutu wu dibundu. 23 Dibundu ni nitu yi Klisto, Klisto wuu nkatika mu dibundu, mpe Nzambi wuu nkatika mu Klisto.