Timote na Epafotide
19 Kivuvu kii naani mu Mfumu Yesu ti, mwa bilumbu kwandi bisidi, naalutambika Timote, mwanki meno mpe nasyamusu mu mpolo zi naabaka mu yeno. 20 Mu dyambu ti nii na muntu wuhiika ko wu tulenda kabasana mayindu, wulenda kikwamisa mu kedika mu dyambu dyeno. 21 Bantu bamvimba bana sosa kwandi ndandu yi yawu bende, kansi ka yi Yesu-Klisto ko. 22 Luzebi ti Timote wulonka bwedi kakihaanina mvimba mu kisalu kye samuna naani Musamu Wumbote bonso tata na mwana andi.