Daniel 1

ዳኔላነ አ ሄዙ ላገቱዋ

1 ይሁዳ ካቲ ዮአቄም ካተቴዳ ሄዘን ላይ፥ ባብሎነ ካቲ ናቡካዳናጾር የሩሳላመ ካታማ ቦላ ደንዲደ፥ ሄ ካታማ ዶዴዳ።✝1:1 2 ካታ. 24:1፤ 2 ኦዱዋ 36:5-7 2 ጎዳይ ይሁዳ ካትያ ዮአቄማነ ጾሳ ጌሻ ጎልያን ደእያ ሚሻቱዋፐ ኡንደነዳዋ አ ኩሽያን አደ እሜዳ። እካ ሄ ሚሻቱዋ ባብሎነ ጋድያን ደእያ ባረ ጾሳቱዋ ኤቃ ጎልያ አሄዳ፤ ባረ ጾሳ ሚሻ ምንጅያ ጎልያን ዎዳ።✝1:2-4 2 ካታ. 20:17-18፤ 24:10-16፤ 2 ኦዱዋ 36:10፤ ኢሳ. 39:7-8

3 ሄዋፐ ጉይያን፥ ካቲ አሽፋናዛ ግያ ባረ ኦሳንቻቱዋ ካፑዋ ሀዋዳን ያጊደ አዛዜዳ፤ "እስራኤልያ አሳ ግዶፐ ካትያ ዛረ ግድያዋንታነ ዎልቃማ አሳቱዋ ዛረ ግድያዋንታ ዶራ። 4 ያላጋቱ አሳተን ፓጫይ ባይናዋንታ፥ ማላንቻቱዋ፥ አያ ታማርሶፐካ ኤራናዉ ዳንዳይያዋንታ፥ አኬክያዋንታ፥ ኤራተይ ኩሜዳዋንታነ ካትያ ጎልያን ኦናዉ ዳንዳይያዋንታ። ኡንቱንታ ባብሎነቱዋ ቃላነ ጽፋትያ ታማርሳ" ያጌዳ። 5 ቃይ ኡንቱንቱ ሀች ሀች ማና ቁማይነ ኡሻና ዎይንያ ኤሳይ ካትያዉ ካኤዳ ቁማፐነ ኡሻፐ ግዳናዳን፥ ካቲ አዛዜዳ። ሄዋዳንካ፥ ሄዙ ላይ ሎሄዳዋፐ ጉይያን፥ ካትያ ስን ሺቂደ፥ ኦሱዋ ዶማናዳን ቃቼዳ።

6 ዶረቴዳዋንቱ ግዶፐ ይሁዳ ዛረ ግድያዋንቱ ዳኔላ፥ ሀናንያ፥ ምሻኤላነ አዛርያ ግያዋንቱ ደኢኖ።