እብራዌ 9

ሳሉዋን ኦሰትያ አያና ኦሱ ሳኣን ኦሰትያ አያና ኦሱዋፐ አ

1 ኮይሮ ጫቆ ጾሳዉ ጎይንያ ዎጋይነ አሳይ ኦዳ ጌሻ ጎሊ ደኤ። 2 አያዉ ጎፐ፥ ኮይሮ ዱንካኒ ኤቄዳ፤ አ ግዱዋን ሙቃዳ ዎያዌ፥ ጻራጴዛይነ ጎዳ ስንን ዎያ ኡክይ ደኤ፤ ሄ ሳአይ ጌሻ ሳ ጊደ ጼሴቴ።✝9:2 ከሳ 26:1-30፤ 25:31-40፤ 25:23-30 3 ላኤን ጋርዱዋ ጉየ ባጋና ኡባፐ አያ ጌሻ ሳኣ ጌተትያ ዱንካኒ ደኤ።✝9:3 ከሳ 26:31-33 4 አ ግዱዋን እጻና ጩዋያናዉ ዎርቃፐ ኦዳ ሳጽኒነ ኡባ ሳና ዎርቃን ሼሼዳ ቃላ ጫቁዋ ታቦታይ ደኤ። ሄ ቃላ ጫቁዋ ታቦታን ማናይ ደእያ ዎርቃ ጻሩ፥ አሮና ጻምአይ አጬዳዌነ ቃይ ሙሴ ህጊ ጻፈቴዳ ላኡ ማሰቴዳ ሹቻቱ ደኢኖ።✝9:4 ከሳ 30:1-6፤ 25:10-16፤ 16:33፤ ፓይ. 17:8-10፤ ዛረ. 10:3-5 5 ሄ ቃላ ጫቁዋ ታቦታፐ ቦላ ባጋና አቶ ግያ ሳኣ ቁምእያ ባረንቱ ቀፍያን ገንያ ቦንቾ ክሩበቱ ደኢኖ፤ ሽን ሀ ኡባባ ሀእ ዉርስ ኦዳናዉ ዳንዳዮኮ።✝9:5 ከሳ 25:18-22