João 12

የሱስ ቦንቹዋን የሩሳላመ ገሌዳ

12 ዎንተ ጋላስ ፓስጋ ቦንችያሳ ዬዳ ዳሮ አሳይ የሱስ የሩሳላመ ብያዋ ስሴዳ። 13 ያቲደ ዛምባ ሀይ ኦይቂደ፥*12:13 ዛምባ ሀይ ኦይቂደ፦ ሀዌ አይሁዳ አሳይ ኤረቴዳ አሳ ሞክያ ዎጋ። አ ሞካናዉ ከሴድኖ። ባረንቱ ኮሻ ቁ ኦደ፥

"ጾሳይ ጋላተቶ!

ጾሳ ሱንን ይያ እስራኤልያ ካቲ አንጀቴዳዋ!"

ያጌድኖ።✝12:13 ማዝ. 118:25

14,15 ጾሳ ማጻፋይ፥

"ጽዮነ ካታማዉ፥ ያዮፓ!

በአ፥ ነ ካቲ ሀረ ማራ ቦላ ኡቲደ ዬ"

ግያዋዳን፥ የሱስ ሀረ ማራ ደሚደ፥ አ ቶጌዳ።

16 የሱሳ ካልያዋንቱ ሄዋ ካሰ አኬክበይክኖ፤ ሽን የሱስ ቦንቼቴዳዋፐ ጉይያን፥ ጾሳ ማጻፋይ ሄዋ ኡባ ጌዳዋነ ቃይ ኡንቱንቱካ ሄዋ ኡባ የሱሳዉ ኦዳዋ ሀሳዬድኖ።

17 አልኣዛር ሞገቴዳ ጎንጎሉዋፐ የሱስ አ ጼሲደ፥ ሀይቁዋፐ ደንዳ ዎደ፥ የሱሳና ደእያ ዳሮ አሳይ የሱሳዉ ማርካቴዳ። 18 ዳሮ አሳይ አ ሞካናዉ ከሴዳዌ፥ እ ሄ ዎልቃማ ማላልያዋ ኦዳ ድራሳ። 19 ሄዋ ድራዉ፥ ፓርሳዋቱ እቱ እቱዋ፥ "ህንተንቱ አይነ ኦናዉ ዳንዳየናዋ በኢቴ! በእተ፥ ጋደ ኡባይ አ ጌዱዋ ካሌዳ" ያጌድኖ።