31 የሱስ፥ "ስም ታን ሀ ዎድያ አሳ አያና ሌምሶ? ኡንቱንቱ አያ ማላቲኖ? 32 ኡንቱንቱ ገያሳን ኡቲደ እቱ እቱዋ ጼሲደ፥ ‘ሱሱልያ ህንተንቶ ፑንናካ

ካእበይክታ፤

ዬኩዋ የ ከሴዶሽንካ

ዬክበይክታ

ያገትያ ናና ማላቲኖ’ ጌዳ።

33 ጻማቅያ ዮሃንስ ቁማ ሜናን ዎይንያ ኤሳካ ኡሸናን ዪና፥ ‘አ ቦላን ጋሌናይ ደኤ’ ያጌድታ። 34 ታን አሳ ናአይ ማደነ ኡሻደ ዪና፥ ‘ሀዌ ናፍሳማ፤ ዎይንያ ኤሳካ ኡሽያዋ፤ ቃራጽያዋንቶነ ናጋራንቻቶ ዳቡዋ’ ያጊታ። 35 ግዶፐ አትን ጾሳ አ ኤራተይ ባረ ኦሱዋን ቱማ ግዲደ ቤቴዳ" ያጌዳ።

36 ፓርሳዋቱዋፐ እቱ ባረናና ቁማ ማና ማላ ሾቢና፥ የሱስ አ ሶይ ቢደ ማናዉ ኡቴዳ። 37 ሄ ካታማን ናጋራንቻ ጌተቴዳ እት ምሽራታ ደኤዉና፥ የሱስ አ ሶይን ኡቴዳዋ ስሳደ፥ አልባስጽሮሳ ጌተትያ ሹቻፐ ኦሰቴዳ አልባስጽሮሳ ባሬታ ኩሜዳ ሽቱዋ አካ ያዱ።