Marcos 6

37 ሽን የሱስ ዛሪደ ኡንቱንታ፥ "አሳዉ ምያባ ህንተ እምተ" ያጌዳ።

ሄዋፐ ጉየ ኡንቱንቱ፥ "ኑን ቢደ፥ ላኡ ጼቱ ብራ ሳንትምያ*6:37 ብራ ሳንትምያ፦ በን ዎድያን አሳ ጋድያን እት ጋላሳ ኡንያ ኦ ፔሼዳ አሳዉ እት ብራ ሳንትሚ እመቴ። ማት። 20:2 ጼልተ። ቁማ ሻሚደ፥ አሳይ ማናዉ እማኔ?" ያጊደ አ ኦቼድኖ።

38 የሱስ ኡንቱንታ፥ "ህንተንቶ አፑን ዳቡ ደኢ? ቢደ በእተ" ያጌዳ።

ኡንቱንቱ በኢደ፥ "እቼሹ ዳቡዋነ ላኡ ሞልያ" ያጌድኖ።

39 የሱስ ባረና ካልያዋንታ አሳ ኡባ ጭታን ጭታን ሻክ ሻኪደ፥ ማታን ኡትሳና ማላ አዛዜዳ። 40 አሳይ ጼቱ ጼቱነ እሻታሙ እሻታሙ ጭታን ጭታን ኡቴድኖ። 41 የሱስ እቼሹ ዳቡዋነ ላኡ ሞልያ ኦይቂደ፥ ፑደ ሳሉዋ ጼሊደ፥ ጾሳ ጋላቴዳ፤ ዳቦቱዋ መንደ አሳዉ ግሻና ማላ፥ ባረና ካልያዋንቶ እሜዳ፤ ቃይ ላኡ ሞልያካ ኡንቱንቱ ኡባዉ ሻኬዳ። 42 አሳይ ኡባይ ሚደ ካሌድኖ። 43 ሄዋፐ ጉየ አቴዳ ዳቦቱዋ ዶካይነ ሞልያ ዶካይ ታማነ ላኡ ዛምቤልያ ኩሜዳዋ የሱሳ ካልያዋንቱ ደንድኖ።