ናህምያ 10

1 ሀዋፐ ካልያ አሳቱ ሄ ማታፋይ ዎዳ ዋራቃታ ቦላን ፓራሜድኖ። ሄዋንቱካ ሀካልያ ናኣ ጋድያ ሞድያ ናህምያ፤ ቄሳቱ ዋፐ: ሰደቅያሳ፥ 2 ሳራያ፥ አዛርያ፥ ኤርማሳ፥ 3 ፓሽሁራ፥ አማርያ፥ ማልክያ፥ 4 ሀጹኡሻ፥ ሻባንያ፥ ማሉካ፥ 5 ሀሪማ፥ ማረሞታ፥ ኦባድያ፥ 6 ዳኔላ፥ ግነቶና፥ ባሩካ፥ 7 ማሹላማ፥ አቢያ፥ ምያሚና፥ 8 ማኣዝያ፥ ብልጋያነ ሻማእያ።

9 ሌዋቱዋፐ: አዛንያ ናኣ ኢያሳ፥ ሄናዳዳ ያራ ግዴዳ ቢኑያ፥ ቃድምኤላነ 10 ኡንቱንቱ እሻቱዋ ሻባንያ፥ ሆድያ፥ ቃሊጻ፥ ፓላያ፥ ሀናና፥ 11 ሚካ፥ ራሆባ፥ ሀሻብያ፥ 12 ዛኩራ፥ ሸረብያ፥ ሻባንያ፥ 13 ሆድያ፥ ባናነ ባኒና።

14 ቃይ አሳ ካለያዋንቱፐ: ፓርኦሻ፥ ፓሀት-ሞኣባ፥ ኤላማ፥ ዛታ፥ ባና፥ 15 ቡና፥ አዝጋዳ፥ በባያ፥ 16 አዶንያ፥ ብግዋያ፥ አዲና፥ 17 አጼራ፥ ህዝቂያሳ፥ አዙራ፥ 18 ሆድያ፥ ሀሹማ፥ በጻያ፥ 19 ሀሪፋ፥ አናቶታ፥ ነባያ፥ 20 ማግፕኣሻ፥ ማሹላማ፥ ሄዚራ፥ 21 ማሸዛቤላ፥ ጻዶቃ፥ ያዱአ፥ 22 ፓላጽያ፥ ሀናና፥ አናያ፥ 23 ሆሼአ፥ ሀናንያ፥ ሀሹባ፥ 24 ሀሎሄሻ፥ ፒልሀ፥ ሾቤቃ፥ 25 ረሁማ፥ ሀሻብና፥ ማእሴያ፥ 26 አኪያ፥ ሀናና፥ አናና፥ 27 ማሉካ፥ ሀሪማነ ባኣና።

እስራኤልያ አሳይ ጫቀቴዳ ቃላ ጫቁዋ

28 ቃይ አቴዳ አሳይካ ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ ጌሻ ጎልያ ቆማቱነ ጾሳ ህግያዉ አዛዘታናዉ አይሁዳ ግደናዋንቱፐ ባረና ሻኬዳ ኡባይ፥ ቃይ ኡንቱንቱ ማቻቱ፥ ኡንቱንቱ አቱማ ናናይ፥ ኡንቱንቱ ማጫ ናናይነ የዉዋ አኬካናዉ አሳ ጋማ ጋኬዳ ኡባይ፥ 29 ባረና ካለያዋና ሀ ጫቁዋን ማየቴድኖ። ሄዌካ ባረ ቆማ ሙሴ ባጋና ጾሳይ ኡንቱንቶ እሜዳ ህግያዳን ባናዉ፥ መና ጎዳ ኑ ጾሳ አዛዙዋ፥ ፕርዳነ ዎጋ ናጋናሳነ ኦናሳ። ሄዌ ዮፐ፥ ጾሳይ የድያ ሸቃይ ባረንቱ ቦላ ያናዳን ማየቴድኖ።

30 ኡንቱንቱ ሀዋዳን ያጊደ ጫቄድኖ፤ "ኑ ማጫ ናና አይሁዳ ግደና ጋድያ አቱማ ናናቶ እሞኮ፤ ቃይ ኡንቱንቱ ማጫ ናናካ ኑ አቱማ ናናቶ ማቻቶ ኦደ አኮኮ።✝10:30 ከሳ 34:16፤ ዛረ. 7:3

31 "አይሁዳ ግደና ጋድያ አሳቱ ካ ግድና ዎይ ሀራባ አያነ ሳምባታ ጋላስ ዎይ ሀራ ባላ ጋላስ ዛልአናዉ አሆፐ፥ ኡንቱንቱፐ ሻሞኮ።

"ላፑን ላይይ ጋክያ ዎደ፥ ኑ ጋድያ ጎሾኮ፤ ኑን ታልኤዳ አጩዋ ኦቾኮ።✝10:31 ከሳ 23:10-11፤ ዎጋ 25:1-7፤ ዛረ. 15:1-2

32 "ጌሻ ጎልያ ኦሶ እቼሹ ግራመ ዴጽያ ብራ ላይን ላይን አገናን እማና።✝10:32 ከሳ 30:11-16 33 ሄዌ አያዉ ጎፐ፥ ጾሳ ስንን ዎያ ኡክሳ፥ ሀቼ ሀቼ ያርሽያ ካ ያርሹዋ ሳኣ፥ ጹግያ ያርሾ ሹክያ መህያዉ፥ ሳምባታ ጋላሳን፥ አግናይ ጼርያ ዎደነ ላይን ደእያ ሀራ ባላቱዋን ያርሽያ ያርሾነ ሀራ ጌሻ ሚሻ ኡባሳ፤ ቃይ እስራኤልያ አሳ ናጋራ አቶ ጊሳናዉ ያርሽያ ያርሾነ ኑ ጾሳ ጌሻ ጎልያ ኦሶ ኮሽያ ኡባባሳ።

34 "ኑን ቄሳቶ፥ ሌዋቶነ ሀራ አሳ ኡባዉ ሳማ የጌዶ። አያዉ ጎፐ፥ ህግያን ጻፈቴዳዋዳን መና ጎዳዉ፥ ኑ ጾሳዉ፥ ያርሽያ ሳኣን ያርሹዋ ጹግያ ም ኑ ጾሳ ጌሻ ጎልያዉ ኦ ያራይ አሀናዉ በስንቶ ኤራናሳ።

35 "ላይን ላይን ኑ ጋድያ አይፍያ ኮይሮ ጋክያዋነ አይፍያ እምያ ዱማ ዱማ ምቱዋፐ ኑን ኮይሮ ማጼዳ አይፍያ ኡባ መና ጎዳ ጌሻ ጎልያ አገናን አሂደ እማና።✝10:35 ከሳ 23:19፤ 34:26፤ ዛረ. 26:2

36 "ህግያን ጻፈቴዳዋዳን ኑን ኡባይካ ኮይሮ የለትያ ኑ አቱማ ናና ኑ ጾሳ ጌሻ ጎልያን ኦያ ቄሳቱ ዋኮ አሂደ፥ ጾሳዉ ዱማያና፤ ቃይ ኑ ሚዛቱ፥ ኑ ዶርሳቱነ ኑ ዴሻቱ የልያ ኮይሮ ማራ ኡባካ ያ አሂደ፥ ቄሳቶ እማና።✝10:36 ከሳ 13:2

37 "ኑን ኑ ጋድያን ዶልያ ካ አይፍያ ኮይሩዋ፥ ቃይ ኑ ም ኡባ አይፍያ፥ ዎይንያነ ዛይትያ እሞታ ኦደ፥ ኑ ጾሳ ጌሻ ጎልያ ሃ ቄሳቱ ዋኮ አሀና። ቃይ ሌዋቱ ኑ ካታማቱዋን ደእያ ቢታ ኡባ አይፍያ አስራታ አክያዋንታ ግድያ ድራዉ፥ ኑ ቢታይ አይፌዳዋፐ ኡባፐ አስራታ ኡንቱንቶ እማና።✝10:37 ፓይ. 18:21 38 ሌዋቱ አስራታ ሺሽያ ዎደ፥ አሮና ያራ ግዴዳ ቄሳቱ ኡንቱንቱና እትፐ ደአናዉ በሰ። ሌዋቱካ አስራታ ሺሾዋፐ ጉይያን፥ አስራታፐ ከሴዳ አስራታ ኑ ጾሳ ጌሻ ጎልያ አሂደ፥ ሻሉዋ ዎያ ክፍልያን ዎኖ።✝10:38 ፓይ. 18:26 39 እስራኤልያ አሳይነ ሌዋቱ ካ፥ ዎይንያነ ዎጋራ ዛይትያ እሞታ፥ ጌሻ ጎልያ ሚሻቱነ ጌሻ ጎልያን ኦያ ቄሳቱ፥ ፐንግያ ናግያዋንቱነ ማዝሙርያ የጽያዋንቱ ደእያ ክፍለቱዋ አሂኖ።

"ኑን ኑ ጾሳ ጌሻ ጎልያ ኦሱዋ ኡባካ ሸነኮ ጎኮ" ያጊደ ጫቄድኖ።