10 Hewaa diraw, Daawite S’oossaa Taabootaa barenana Daawita Katamaa ahanaw koyyibeenna; hewaa aggiide Gitaatiyaa Obeedi-Eedooma giyaa bitaniyaa soo afeedda. 11 Med’inaa Godaa Taabootay Gitaatiyaa Obeedi-Eedooma son heezzu aginaa gam"eedda; Med’inaa Goday aane Aa soo asaa ubbaa anjjeedda.6:11 1 Od. 26:4-5
12 Hewaappe simmiide, «S’oossaa Taabootaa diraw, Med’inaa Goday Obeedi-Eedooma soo asaanne aw de’iyaa ubbabaa anjjeedda» yaagiyaawaa Kaatii Daawite siseedda; hewaa diraw, Daawite Obeedi-Eedooma soo biide, S’oossaa Taabootaa Daawita Katamaa nashechchan aheedda.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)