6 « ‹Hintteppe ooninne ashuwaa amuwaa polanaw bare mata dabbuwaana gisoppo. Taani S’oossaa. 7 Ne ashuwaa amuwaa polanaw ne daayinna gisoppa; ne aawuwaa kawushshoppa. Iza ne daayo; iinanna gisoppa. 8 Ne ashuwaa amuwaa polanaw ne aawuwaa machchattinna gisoppa; ne aawuwaa kawushshoppa.18:8 Wog. 20:11; Zar. 22:30; 27:20
9 « ‹Ne ashuwaa amuwaa polanaw ne michchatina gisoppa; woy k’ay son yeletteedda woy karen yeletteedda ne aawuwaa woy ne daay naattinakka gisoppa.18:9 Wog. 20:17; Zar. 27:22
10 « ‹Ne ashuwaa amuwaa polanaw ne na’aa naattinna woy ne naatti naattinna gisoppa. Ne huup’iyaw neena kawushshaasa. 11 Ne ashuwaa amuwaa polanaw ne aawuwaa machchati naattinna gisoppa; iza ne michchato gidiyaa diraw iinanna gisoppa. 12 Ne ashuwaa amuwaa polanaw ne aawuwaa michchatina gisoppa. Iza ne aawoo mata dabbo.18:12-14 Wog. 20:19-20 13 Ashuwaa amuwaa polanaw ne daay michchatina gisoppa; iza ne daayiw mata dabbo. 14 Ne aawuwaa ishaa kalluwaa k’aaraade ne ashuwaa amuwaa polanaw Aa machchattinna gisoppa; iza ne aawuwaa ishaa machchato. 15 Ne ashuwaa amuwaa polanaw ne na’aa machchattinna gisoppa; iza ne na’aa machchato gidiyaa diraw, iinanna gisoppa.18:15 Wog. 20:12 16 Ne ashuwaa amuwaa polanaw ne ishaa machchattinna gisoppa; gisooppe ne ishaa kawushshaasa.18:16 Wog. 20:21
17 « ‹Ne ashuwaa amuwaa polanaw mishiratinanne I naattinanne laa’uwaanna gisoppa. I naatti naattinna woy k’ay I na’aa naattinakka gisoppa; unttunttu iziw mata dabbo gidiyaa diraw, hewe sharmus’a.18:17 Wog. 20:14; Zar. 27:23
18 « ‹Ne machchata pas’a de’ishshin, ne machchati michchato akkaade ne ashuwaa amuwaa polanaw iinanna gisoppa.
19 « ‹Ne ashuwaa amuwaa polanaw piilay yiina tuna utteedda mishiratina gisoppa.18:19 Wog. 20:18
20 « ‹Neeni tunennaadan ne shooruwaa machchattinna gisoppa.18:20 Wog. 20:10
21 « ‹Ne S’oossaa suntsaa tunissanaw ne naanatuwaappe ittuwaanne taman s’uugiide, Molooka giyaa eek’aw yarshshanaadan immoppa. Taani Med’inaa Godaa.18:21 Wog. 20:1-5
22 « ‹Mac’c’a asaana gisiyaawaadan attuma asaana gisoppa; hewe sheneyiyaabaa.18:22 Wog. 20:13
23 « ‹Neeni tunennaadan ay mehiyaananne gisoppa, k’ay mac’c’a asaykka mehiyaanna gisanaw mehiyaa sintsa aad’d’oppo. Hewe wogay bayinawaa.18:23 Kes. 22:19; Wog. 20:15-16; Zar. 27:21
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)