उत्पत्ति 26

इसहाक क गरार मा रोहनो

1 उका देश मा काळ पोड़्यो, यो उना पेहला काळो सी ओलोग हुतो जो अब्राहम क दाहड़ा मा पोड़लो हुतो। ओतरान कोरिन इसहाक गरार क पलिश्तिया क राजा अबीमेलेक क पास गुयो। 2 हुयां योहोवा न ओको दोर्शन आपीन कयो, "मिसर मा मां जाय; जो देश हांव तुखे देखाड़ो तेना मा रोव। 3 तु एना देश मा रोवे, आरु हांव तारे साते रोहीस, आरु तुखे बोरकोत आपीस; आरु यो आखो देश हांव तुसेक आरु तारी ओवलियाद क आपीस; आरु जु वायदु मे तारा बाबा अब्राहम सी खादु होतु, चो हांव पुरो कोरीस। 4 हांव तारे ओवलियाद क वादळा क तारागण क जोसा कोरीस; आरु हांव तारा ओवलियाद क यो आखो देश आपीस, आरु कोळी क आखी जातीक तारा ओवलियाद क लारे सोयाव्वु मानायसे। 5 काहकी अब्राहम मारी वात मान्यु, आरु जो हांव हेनाक आप्यु होतु हेनाक आरु मारी हुकुम, कायदा आरु व्यवस्था क पाळन कोर्‌यो।" 6 ओतरान कोरिन इसहाक गरार मा रोय गोयु। 7 जोत्यार हेना जागा क मानुस हेरी घोरवाळी क वारा मा पुछ्या, तोत्यार हुयु यो बिहिन विचारीन कि काहमाईन हांव इनुक मारी घोरवाळी कोहीस ती यां वाळा मानुस रिबका क लीय यी घोन घाटावी छे मेसेक मार देसे, जोपाप आप्यु, यी ते मारी बोहनीस छे (उत्प 12:12,13. 20:2) 8 जोत्यार इसहाक क होंया रोहता बेस दाहड़ा वित गोया, ती एक दाहड़ु पलिश्तिन राजा अबीमेलेक खिड़की मा सी छापिन काय देख्यु की इसाहक आपसी घोरवाळी रिबका क सात मोंग कोरने बाज रोयु।