Eenichkjeit en Christus sien Kjarpa
1 Aulsoo, ekj bedd junt, ekj, de Jefangna en däm Harn, daut jie wirdich waundlen no de Beroopunk, to woone jie beroopen sent, 2 met aule Deemoot un Saunftmoot, met Jedult, eena dän aundren vedroagen en de Leew. 3 Siet flietich, de Eenheit vom Jeist to bewoaren en däm Frädens-Baunt. 4 Doa es een Kjarpa un een Jeist, soo aus jie uk beroopen sent en eene Hopninj von june Beroopunk. 5 Een Har, een Gloowen, eene Doop, 6 een Gott un Voda fa aula, dee äwa aula es un derch aula un en junt aula.
7 Oba to eenem jiedren von ons es de Jnod jejäft no de Mot von Christus siene Gow. 8 Doawäajen sajcht Hee: "Aus Hee noppjefoaren wia no de Hecht, fieed Hee de Jefangenschoft jefangen un jeef de Menschen Gowen". 9 (Oba daut "Hee es noppjefoaren", waut es daut aundasch, aus daut Hee ieescht raufjefoaren es en de unjaschte Städen von de Ieed? 10 Dee raufjefoaren es, es deeselwja, dee uk noppjefoaren es äwa aule Himmels, om daut Hee aules erfellen mucht.) 11 Un Hee jeef eenje aus Apostel un eenje aus Profeeten un eenje aus Evangelisten un eenje aus Hoads un Lierasch, 12 om de Heilje vollkomen to moaken fa daut Woakj vom Deenst, fa daut Oppbuen von Christus sien Kjarpa,