1 Kjinja, siet june Elren jehuarsom en däm Harn, wiels daut es rajcht. Mrk 7:10-13 2 Iea dienen Voda un Mutta, daut es daut ieeschte Jeboot, daut eene Vespräakjunk haft, 2Mo 20:12 3 soo daut die daut goot jeit un du lang läfst opp Ieeden. 5Mo 5:16

4 Un jie Vodasch, reizt june Kjinja nich toom Oaja, oba trakjt dee opp en de Belierunk un Vemonunk vom Harn. 5Mo 6:20-25

5 Kjnajchts, siet june fleeschliche Haren jehuarsom met Forcht un Zetren, en de Eenfachheit von jun Hoat, soo aus to Christus; 1Tim 6:1-2; Tit 2:9-10; 1Pe 2:18 6 nich met Uagen-Deenst, aus Menschen-jefaulende, oba aus Christus siene Kjnajchts, wäarent jie Gott sien Wellen vom Hoaten doonen. 7 Deent met eenem gooden Wellen, aus däm Harn un nich de Menschen, 8 wiels jie weeten, wautemma fa Goodet irjentwäa deit, daut hee dautselwje vom Harn kjrieen woat, auf hee een Sklow es ooda een Fria. 2Kor 5:10

9 Un jie Haren, doot äant dautselwje un lot daut Dreiwen toch, wiels jie weeten, daut jun Har uk em Himmel es un daut doa bie Am kjeen Aunseenen von de Persoon es.

10 Tolatst, miene Breeda, siet stoakj em Harn un en de Macht von siene Krauft. Efs 3:16; 1Kor 16:13; 2Tim 2:1; 1Joh 2:14 11 Trakjt junt Gott sien gaunzet Jescherr aun, soo daut jie bestonen kjennen jäajen de lestje Wäaj vom Diewel. 12 Wiels ons Kaumf es nich jäajen Fleesch un Bloot, oba jäajen Ferschtentiema, jäajen Jewaulten, jäajen de Harscha von de Diestanis von dise Welt, jäajen jeistliche Boosheit en himlische Städen. Luk 22:31; Efs 2:2 13 Doawäajen nämt Gott sien gaunzet Jescherr, daut jie aun däm beesen Dach wadastonen kjennen un aules jedonen haben, stonen to bliewen. 14 Soo stot nu, june Hoften met de Woarheit omjeschnalt un aunjetrocken met daut Brostschilt von de Jerajchtichkjeit Luk 12:35; 1Tess 5:8; 1Pe 1:13 15 un aun de Feet jeschoot met daut Reedsennen vom Evangelium von däm Fräd. 16 Äwa aules oba nämt daut Schilt vom Gloowen opp, met woont jie aul de fieeje Feilen von däm Beesen utlaschen kjennen. 1Pe 5:9; 1Joh 5:4 17 Un nämt dän Schutzhelm von de Radunk un daut Schwieet vom Jeist, woont Gott sien Wuat es. 1Tess 5:8; Heb 4:12 18 Un bät to aule Tiet met aulem Jebäd un Bedden em Jeist, un hiatoo woakt met aulem Aunhoolen un Bedden fa aul de Heilje 19 un fa mie, daut mie daut Wuat jejäft woat, soo daut ekj mien Mul met Friemoot opmoak, daut Jeheemnis vom Evangelium bekaunt to moaken, Apj 4:29; Kol 4:3; 2Tess 3:1 20 fa woont ekj een Bootschofta sie en Kjäden, om daut ekj doarenn friemootich räd, soo aus ekj räden saul. Apj 28:31; 2Kor 5:20

21 Oba om daut uk jie miene Omstend weeten, woo mie daut jeit, woat Tiechikus, de leewa Brooda un trua Deena em Harn, junt aules to weeten doonen, Apj 20:4; Kol 4:8; 2Tim 4:12; Tit 3:12 22 woonen ekj doawäajen no junt jeschekjt hab, om daut jie onse Omstend weeten un hee june Hoaten treesten mucht. 23 Fräd met de Breeda un Leew met Gloowen von Gott, däm Voda, un däm Harn Jesus Christus! 24 De Jnod met aul dee, dee onsen Harn Jesus Christus leef haben en Opprechtichkjeit! Amen. No de Efeesa jeschräwen von Room, derch Tiechikus.