11 हे मोरिक विश्वासी भैयो, आब अन्तिममे तुहुरिन्हे आनन्द मिले, सिद्ध बन्ती जाऊ, मोरिक सल्लाहा सुनो, एकदोसर जहनसे एक मन होके शान्तिमे रहो। और प्रेम और शान्ति देहुइया परमेश्वर तुहुरिन्के संग रहिहीँ।

12 एकदोसर जहनहे ख्रीष्टके प्रेमसे नमस्कार करो। 13 परमेश्वरके सक्कु पवित्र मनै तुहुरिन्हे नमस्कार पठैले बताँ। 14 प्रभु येशू ख्रीष्टके अनुग्रह, परमेश्वरके प्रेम और पवित्र आत्मक संगति तुहुरिन् सक्कु जहनके संग पलिरहे।