Salmos 133

1 Le Davidoskri giľi pro drom upre andro Jeruzalem.

Dikh, sar mištes the šukares oda hin,

sar hine o phrala jekhetane andro smirom!

2 Oda hin sar o vzacno olejos pro šero,

so čuľal tele pal e brada,

pal e brada le Aronoskri,

so čuľal dži pro agor*133,2 Oda hin dži paš e chev khatar pes thovel o šero andro ruchos – e gaľira. pre leskro ruchos.

3 Oda hin sar e Chermonoskri rosa,

so čuľal tele pro Sionoskre verchi.

Bo ode o RAJ bičhavel peskro požehnaňje

the dživipen pro furt.