Gwada Kowon Aworo
1 Oku nsu oboki na, kede ku beigaskye nja kowoni aworo, sede ku gwada kowoni aworo de ku geni ko e ma ni Mirikisi la, sobon anebi nsu yaruwa nyowa su butu yuru anya guru a siki durinya. 2 Yomu na kwa shina Aworo ni Mirikisi: Du aworo de e yeda nkye Yesu Kiristi zo a siki nki naba e ma dege anya Mirikisi naba, 3 Sede aworo de yeda nkye Yesu zo dege anya Mirikisi na ba. E shiya e ma aworo ni oboki geba Yesu, de kwa zi nkye yaa zo ko kuzukam e ma a durinya.
4 Oku, yaya dende, ku butu anya Mirikisi la nja ku shakiya su, sobon Aworo Mirikisi de e ma a siki dishiya ku e pi daa de ma a siki durinya.