Mateus 16

O Farisika de lo o Sadukika manga dodoto isitero maro o ragi

5 O Yesus Awi muri-muri imasidiado o talaga ma sonongaka, duma imariwosa so o maru imagahowa. 6 Una wotemo onaka, <<Nimasitiari, ma ngale o Farisika de o Sadukika manga ragi bai!>>

7 Kagena de o muri-muri imatekebicara moi de moika, de itemo, <<Una wotemo komagena sababu to ngone nanga roti ihiwa.>>

8 Una ka wanako Awi muri-muri manga sininga de o kia ona isibicara. So Una wotemo onaka, <<Ce! Ngini nia sininga isusa ma ngale to ngini nia roti ihiwa. Kodo! Kiaso nia piricaya ikurangi maro komagena. 9 Ḋadodooha so ngini niasihoda waasi de niosininga waasi sidago o orasi manena. Ma orasi o roti ngai motoha tatepi-tepi, de o nyawa yacala motoha tahike so yaoḋoka. Sababu ngini masirete niatolomu so ma soohu o karaja muruo. 10 De ma orasi moili Ngohi o roti ngai tumudingi tatepi-tepi de tasioḋoka o nyawa yacala iha. De kanaga ma soohu o karaja tumudingi, magena lo ngini masirete niatolomu. 11 Ngohi ngini tinisitiari gena ma ngale o roti ḋasowo. So, idodooha nianakowa eko niasihoda waasi. Nimasitiari ma ngale o Farisika de o Sadukika manga ragi bai!>>

12 Asa ka yanako Una o sitiari wahike ma ngale o roti ma ragi ḋasowo, duma o Farisika de lo o Sadukika manga dodotoka.