Matius 4

Ma nonoma-nomaka o Yesus

idadi to Una Awi muri

18 So ma moiku o Yesus wotagi-tagi o Galilea ma Talaga ma dateka, de Una wamake o nyawa yasinoto o nao isasari, ona magena o Simon (iwisiaso lo o Petrus) de ma nongoru moi awi ronga o Andreas. Ona yasinoto o talaga ma dateno o nao yosoma. 19 Kagena de o Yesus waaso de wotemo onaka, <<He! Hino la nimote Ngohi. Nako ngini gena Ngohi aku tinidoto ma ngale ngini o bi nyawa asa niadoto la imote Ngohika, imatero maro o nao niasoma la niatolomu.>> 20 Gila-gila ona manga soma yodongosaka, so asa itagi Una iwimoteka.

21 So kagena de Una wotagi wogila-gila, de wamake kali o nyawa yasinotoli ma ria de ma nongoru, ena o Yakobus de o Yohanes. Ona magena de manga baba o Zebedeus manga soma isidiahi o deru ma rabaka. De ona lo o Yesus waaso, 22 so gila-gila ona manga baba de manga deru yodongosa de asa Una iwimoteka.