Mateus 5

O nyawa o Yesus iwimomote yasitero

de o gasi de o nita ma siwa

13 <<Ngini manena, nakoso nia gogoho foloisi ḋaloha de itiai gena, asa de ma faida o dunia ma bi nyawaka. Maro o gasi kanaga nidogo nia inoku la o nyawa yodupa yaoḋo. Nakoso ngini nia gogoho ḋatorou, magena imatero de o gasi ḋamiri kawa so ḋahaoka, de niaaka niadodoohasi la aku ḋamiri kali. Ma faida gena ihiwaka, so bilasu ka niaumo de o nyawa isidodipitoku.

14 Ngini manena o bi moi-moi itotiai niasikelelo maro o nita moi yadisiwa o dunia ma bi nyawaka. De imatero lo o doku moi la yahado o tala ma ḋokuka, gena o nyawa yangodu ka yakelelo. 15 De nako o poci moi gena kanaga lo pamakewa maro o poci o nyawa moi watupuka de lo o poci magena o kula wositalakeka. Duma bilasu o poci magena wahado ma dadamika, ma ngale o nyawa o tahu ma rabaka aku ma siwa gena yangodu yamake. 16 Maro o doku moi o tala ma ḋokuka de o poci moi o dadamika o nyawa yangodu ka yakelelo, komagena ngini lo o loha niaaaka aku o nyawa yangodu yakelelo de ona lo nia Baba o sorogaka aku wisigiliri.>>