Rakkonna Hega Uushsho
2 Anke dayyuwwaa! Ha’no’ni garigar, garigarit hexxexxe hega uushsho geltaa wodda wo’ma gammashoshsha laakko’we. 3 Tinninna kaddeechchi ha’nooxxe amanaxxi hega uudema ossa ha’no’aa afissaaxxa egendinaan. 4 Mittiilchinna ha’noo’n xe’yengeechchi hedhebak hara wo’ma kaddinaashsha ossa huje ifixxa huccitowwaal.
22 Hiyyichchi haaso’aaxxa asse malee’e ifi dedhisina’n laqqinaake kaddinoqqe’e. 23 Hiyyichcho laqeexxi hiyyichchi hiyyaaxxa assabaak manji alba ifika daa’witeti uuxxedhaake manjishshaten. 24 Iikki manjichchi alba ifika da’witete’ni uudeexxi me’aan; albi isik maa fakkaataxxa iikki woddi dedhaan. 25 Yaane kinni iso leexxa fulchaaka wo’ma seera uudeexxi iso’n jabaataki laqeexxa hujete’n hosisaakinna dedhabaak huje isixxenni eebisemmeeke kadaan.