1 Nuɓusɛ unmɔɔgaiti, wa ɠɛ ma, naama volo ná:

«Ee, Ɠɔoɠɔ GALAGI, nà è maamusɛzu!

Mazɔlɔɔ è yiiɠaawanani mà,

kɛlɛ ɗa-yiiɠaawanai zeɠea màazu, è gàanɛɛnɛa.

2 Wɛlɛ GALAGI ka é ga kìzo nui,

gè ɓɔɠɔ ɠaliva tɔun ma, gè la mɔ luazu.

Mazɔlɔɔ Ɠɔoɠɔ GALAGI, Ɠɔoɠɔ GALAGI ɠa é ga nà-zobogi,

tɔ ɠa gè vaazu ma nà-guyeiti su,

toɠa ga Kìzo Nui.»

3 Wa ziɛi zaɠa ga koozunɛɛi kizo fai ma ɗɛungiti su.

4 Naama volo ná, wa ɠɛ ma:

«À Ɠɔoɠɔ GALAGI maamusɛ, à wooɠula ma.

Ná-faa wolaiti é ti ɠɛai, à ti lɛ ga zii ɠiligiti,

à daasei golai ma vaa wo ɛsɛ pɛ ma.

5 À guyei loo Ɠɔoɠɔ GALAGI lɛbi vai ma,

mazɔlɔɔ é faa wolaiti kɛa.

À ti lɛ eteai zu ná pɛ!

6 À pilɛ sɔlɔɔ koozunɛɛi lɛɛ, Siyɔn ʋeaiti!

À wooɠula ga koozunɛɛi,

mazɔlɔɔ gola wɔɔlɔʋɛ wo zaama,

tɔungi é ga Izilayɛle ná-GALA Ɲadegai.»