አማንያ አሳስ ሺቅዳ እሞታ
1 አማንያ አሳስ ሚሸ ሺሾባ ጋላትያ ዎሳ ኬታስ ታኒ ኪትዳይሳዳ ህንተካ ኦተ።16:1 ሮመ 15:25-26. 2 ሚሽያ ሺሾይ ታ ህንተኮ ብያ ዎደ ግዶና መላ እሶይ እሶይ ሳምንታፈ ኮይሮ ጋላስ፥ ዎጋ ዎደ፥ ዎጋ ዎደ፥ ባ ደመይሳፈ ከስድ ባ ሶን ዳጋዮ። 3 ታኒ ያ ብዳ ዎደ ሚሽያ የሩሳላመ ጋና መላ ህንተ ዶርያ አሳስ ዳብዳበ እማዳ ኤንታ የሩሳላመ ኪታና። 4 ኤንታራ ታ ቡሳይ ኮሽያባ ግድኮ ኤንቲ ታራ ባናዉ ዳንዳኦሶና።
ጳዉሎሳ ሀልቾ
5 ታኒ ማቀዶነራ አናዉ ቆፕዳ ግሾ፥ ያ ባዳ ህንተኮ ያና።16:5 ሀዋ 19:21. 6 ታ ብያ በሳ አዉ ግድኮካ፥ ታ ቡሳን ህንተ ታና ማዳና መላ ህንተ ማታን ጉ ዎደ ጋምኦና አግከ። ባልጎ አጌናታ ህንተ ማታን አና ዋያ አጋና። 7 ታኒ ኦገራ አሸ ህንተና በአናዉ ኮይከ። ጎዳይ ጊኮ፥ ህንተ ማታን ጉ ዎደ ታካናዉ ቆፓይስ።
8 ሽን ታኒ ጳንፀቆስፀ ባለይ ጋካናዉ ኤፈሶናን ጋምአና። 9 ታዉ ኦሶይ ኩምዳ ዳልጋ ፐንገይ ዶየትስ፥ ሽን ዳሮ ኤቀትያ ሞርከት ደኦሶና።16:9 ሌወ 23:15-21፤ ዛረ 16:9-11፤ ሀዋ 19:8-10.
10 እ ታ መላ ጎዳ ኦሶ ኦያ አስ ግድያ ግሾ፥ ፅሞትዮስ ህንተኮ ቢኮ፥ ህንተ ማታን እ ህርጎና ዳና መላ ኦተ።16:10 2 ቆሮ 4:17. 11 ኦንካ እያ ካፖ። እ ታኮ ሳሮ ስማና መላ እያ ማድድ ሞይዝተ። ታኒ እ ሀንኮ አማነይሳታራ ስማናይሳ ናጋይስ።
12 ኑ እሻ አጵሎስ ሀንኮ አማነይሳታራ ህንተኮ ባና መላ ታ እያ ምን ዎሳስ። ሀእ ህንተኮ ባናዉ ኮይቤና፥ ሽን እያዉ እንጀትያ ዎደ ህንተኮ ባና።
ዞረነ ሳሮ
13 ባርክተ፤ አማኖን ኤቅተ፤ ፃልተ፤ ምንተ። 14 ኦሶ ኡባ ሲቆን ኦተ።
15 ታ እሻቶ፥ እስፅፋኖሰይነ እያ ሶ አሳይ አካያን ኤንቲ ኮይሮ አማንዳይሳታ ግደይሳነ አማነይሳታ ማዳናዉ ባንታና አድ እምዳይሳ ህንተ ኤሬታ።16:15 2 ቆሮ 1:16. 16 ህንተካ ኤንታ መላ አሳስነ፥ ኤንታራ ኦሶን ዳቡርያ ኡባስ ኪተታና መላ ታ ህንተና ዎሳይስ።
17 እስፅፋኖሰይ፥ ፈርዶናፅስነ አካይቆስ ታኮ ይዳይስ ታና ኡፋይስስ። ህንተ ባይና በሳን ኤንቲ ህንተና ግድድ ታ ፓጫ ኩንዶሶና። 18 ኤንቲ ህንተና ኡፋይስዳይሳዳ ታናካ ኡፋይስዶሶና። ሄሳ መላ አሳታ ዶጎፕተ።
19 ኢሰ ዎሳ ኬ አሳይ ህንተና ሳሮ ጎሶና። አቅልነ ጵርስቅላ ባንታ ሶን ሺቅያ ዎሳ ኬ አሳራ እስፈ ህንተና ጎዳ ሱንን ዎዛናፐ ሳሮሶና።16:19 ሀዋ 18:2. 20 አማንያ እሻት ኡባይ ህንተና ሳሮ ያጎሶና።
ጌሻ ዬረተ ዬረትሸ እሶይ እሱዋ ሳሮተ። 21 ታኒ፥ ጳዉሎስ፥ ሀ ሳሮዋ ታ ኩሸን ፃፋስ።
22 ጎዳ ዶሶና አስ ደእኮ፥ ባደትዳይሳ ግዶ። ኑ ጎዳዉ፥ ሃያ!
23 ጎዳ የሱስ ክርስቶሳ አ ኬሀተይ ህንተራ ግዶ።
24 ታ ሲቆይ ክርስቶስ የሱሳን ደእያ ህንተ ኡባራ ግዶ። አምንእ።