23 ኤንቲ ክርስቶሳ ኦሳንቾ? ታኒ ጎሻ አሳዳ ኦዳይስ፥ ኤንታፈ አያ ክርስቶሳ ኦሳንቾ። ታኒ ኦሶን ዳሮ ዳቡራስ፤ ዳሮ ዎደ ቃሸታስ፤ ጋራፈታስ፤ ዳሮ ዎደ ሀይቆፐ አታስ።11:23 ሀዋ 16:23. 24 አይሁደት ታና ሀስታማነ ኡዱፉና እቻሹ ቶሆ ጋራፍዶሶና።11:24 ዛረ 25:3. 25 ሄ ቶሆ ፃምአን ሾጨታስ፤ እስ ቶሆ ሹቻን ጫደታስ፤ ማርካበይ ሄ ቶሆ መእስ፤ አባ ግዶን እስ ቃማ ኩመ አቃዳ ፔአስ።11:25 ሀዋ 16:22፤ 14:19. 26 ታኒ ዳሮ ኦግያ ዳቡራን ሄመታስ። ክፃ ሃፈነ ፓንጋፈ አታስ። አይሁደትነ አይሁደ ግዶና አሳይ ታ ቦላ መቶ ጋዶሶና። ካታማይ፥ ባዞይ፥ አባይ፥ ታና ያሽስ፤ አማንያ ዳንያ አሳት ታና ዋይስዶሶና።11:26 ሀዋ 9:23፤ 14:15. 27 ታኒ ኦሶን ዳቡራስነ ጫዋታስ፥ ዳሮ ቶሆ ስኮ ያስ፥ ኮሻታስ፥ ሳሞታስ፥ ዳሮ ቶሆ ፆማስ፥ ሜገታስ፥ ካሎታስ።
28 ሀራባ ኡባ ታይቦና ኡባ ዎደ ታና ቆፍሰይ ዎሳ ኬታባ። 29 እስ አስ ዳቡርያ ዎደ እያራ ታ ዳቡራብክና? እስ አስ ናጋራን በትያ ዎደ ታ አዉደ ቂሮቶና አጋድና?
30 ታ ጬቀታናዉ ኮሽያባ ግድኮ ታኒ ዳቡራንቾ ግደይሳ ኤርስያባን ጬቀታና።