1 ህዛ፥ ህንተ ክርስቶሳራ ሀይቆፐ ደንድዳይሳዳ፥ ፆሳፈ ኡሻቻ ባጋን ኡትዳ ክርስቶስ ደእያ በሳን፥ ሳሎን ደእያባታ ኮይተ።✝3:1 ማዝ 110:1. 2 ሳሎን ደኤይሳታ ቦላ ህንተ ቆፋ ዎተፐ አትሽን፥ ሳአን ደእያባታ ቦላ ዎፍተ። 3 ህንተ ሀይቆን ሻከትዳ መላ ሀ አላምያፐ ሻከትደታ። ህንተ ደኦይ ክርስቶሳራ እስፈ ፆሳን ጌምስ። 4 ህንተዉ ደኦ ግድዳ ክርስቶስ ቆንጭያ ዎደ ሄ ዎደ ህንተካ እያራ ቦንቾን ቆንጫና።

5 ሄሳ ግሾ፥ ህንተናን ደእያ አላመ አሞታ ዎተ። ሄሳትካ ላይማተ፥ ቱናተ፥ ላይማታናዉ አሞተ፥ ኤቃ ጎይኖ መላ ግድዳ ኡዘተ። 6 ሀይሳታ ጋሶን ፆሳ ሀንቆይ ኪተቶና አሳ ቦላ ያና። 7 ህንተካ ካሰ ሄ ኢታ ኦግያን ብያ አሳ ግዶን ደእሸ ሀይሳታ ኦደታ።

8 ሀእ ህንተ ሄሳታ ኦፍተ። ቃስ ሀንቆ፥ እፆ፥ ካች፥ ዝግርስነ ቦርሶ ኦዳ ህንተፈ ድግት። 9 ጬጋ አሳተ እያ ኦሱዋራ ህንተፈ ቃርዳ ግሾ፥ እሶይ እሱዋስ ዎርዶቶፕተ።✝3:9 ኤፈ 4:22. 10 ፆሳ መ ዳንያ፥ ኤራተን ላመትዳ ኦራ አሳተ ማእተ።✝3:10 መ 1:26፤ ኤፈ 4:24. 11 ሀ ኦራ መተን፥ ግርከ አስ ዎይኮ አይሁደ አስ፥ ቃፃረትዳይ ዎይኮ ቃፃረቶናይ፥ ባርባረ አስ*3:11 ባርባረ አስ፦ ጉሳይ ታማርቦና ዎይኮ ኤሮና ዎይኮ የለትዳ መላ ስእ ግድ ደእያ አስ ጉሱ። ዎይኮ እስኩተ አስ*3:11 እስኩተ አስ፦ ጉሳይ ዎዛና ምኖ አስ ዎይኮ ዎዛና ኢታ አስ ጉሱ። አይለይ ዎይኮ ዎማኖይ ባዋ። ክርስቶስ ኡባ፤ እ ኡባን ደኤስ።

12 ሄሳ ግሾ፥ ፆሳን ዶረትዳ አሳዳ ጌሻታነ ዶሰትዳይሳታ ግድድ፥ ማሮተ፥ ኬሀተ፥ አሽከተነ ዳንዳአ ማእተ።✝3:12 ኤፈ 4:2. 13 እሶይ እሱዋ ዳንዳእተ። ኦንካ ባ ላግያን ቆሄትዳባይ ደእኮ እያዉ አቶ ጎ። ጎዳይ ህንተዉ አቶ ግዳይሳዳ ህንተካ ዎልስ አቶ ጊተ።✝3:13 ኤፈ 4:32. 14 ሄ ኡባ ቦላ ኡባባ እስፈ ሺሽድ ቃችያ ሲቆ ማእተ። 15 ፆሳይ ህንተና እስ አስ ኦድ ፄግዳይ፥ ሳሮተስ ግድያ ግሾ ክርስቶሳ ሳሮተይ ህንተ ዎዛና ሃሮ።

16 ክርስቶሳ ቃላይ ህንተ ዎዛናን ኩምድ ደኦ። ጭንጫተ ኡባን እሶይ እሱዋ ታማርስተነ ዞርተ። ማዝሙረን፥ ሳባንነ አያና የን ፆሳ ዎዛናፐ ጋላትሸ የፅተ።✝3:16 ኤፈ 5:19-20. 17 ፆሳ አዋ የሱሳ ባጋራ ጋላትሸ ህንተ ኦደትያባ ዎይኮ ኦያባ ኡባ ጎዳ የሱሳ ሱንን ኦተ።

18 ማቸቶ፥ አማንያ አሳስ በሲያባ ግድያ ግሾ፥ ህንተ አዝናታስ ሃረትተ።✝3:18 ኤፈ 5:22፤ 1 ጰፅ 3:1.

19 አዝናቶ፥ ህንተ ማቸታ ሲቅተ፤ ኤንታዉ ኢቶፕተ።✝3:19 ኤፈ 5:25፤ 1 ጰፅ 3:7.

20 ናይቶ፥ ህንተና የልዳይሳታስ ኡባባን ኪተትተ፤ ሄስ ጎዳ ኡፋይስያባ።✝3:20 ኤፈ 6:1.

21 አዋቶ፥ ህንተ ናይት ኡፋይስ ቃንፆና መላ ኤንታ ጫመፍተ።✝3:21 ኤፈ 6:4.

22 አይለቶ፥ ሳአን ህንተዉ ጎዳ ግድዳይሳታስ ኡባባን ኪተትተ። ጎዳ ቦንችሸ ሱረ ዎዛናፐ ኪተትድ ኤንታ ኡፋይስተፐ አትሽን፥ አስ በኦ ግድ ኦፍተ።✝3:22 ኤፈ 6:5-8. 23 ህንተ ኦያ ኦሶ ኡባ አሳስ ግዶናሽን፥ ጎዳስ ኦያ መላ ዎዛናፐ ኦተ። 24 ጎዳፐ ላታ ዎይቶ ኦድ ህንተ ኤከይሳ ኤርተ፤ ህንተ ጎዳ ክርስቶሳ ሀጋዜታ። 25 ፆሳይ አሳ ሶምኦ በእድ ፕርዶና ግሾ፥ ኦንካ ኢታ ኦሶ ኦኮ ባ ኢታ ኦሱዋ ግሾ ዛሮ ኤካና።✝3:25 ኤፈ 6:5-8.