1 ነ ናአተ ላይን ነና መዳይሳ ቆፓ። ኡንአ ጋላሳት ዮና ደእሽን፥ "ሀይስ ታና ኡፋይሰና" ጌተትያ ዎደት ጋኮና ደእሽን፥ 2 አውነ ፖኦይ፥ አጌንነ ፆልንቶት ሞና ደእሽን፥ እር ቡክድ አን፥ ሻር ስሞና ደእሽን፥ ነና መዳይሳ ቆፓ። 3 ሄ ዎደይ ኬ ናገይሳት ኮኮርያ ዎደ፥ ምኖ አስ ኩንያ ዎደ፥ ጋጨይሳት ታይቦን ጉፅዳ ግሾ ጋቸ አግያ ዎደነ ማስኮተራ ፄለይሳት ዳቡርያ ዎደ ግዳና። 4 ሄ ዎደይ፥ ዎጋ ኦግያኮ ስምዳ ፐንገት ጎርደትያ ዎደ፥ ጋጭያ ዎፃ ግርሳይ ዝቅ ግያ ዎደ፥ ካፎ ዋሶይ አሰ ስኮፈ ባርክስያ ዎደ፥ ማጫ ናይታ የ ግርሳይ ለፕያ ዎደ ግዳና። 5 ሄ ዎደይ፥ ደረ ከያናዉ ፆነትያ ዎደ፥ ዳልጋ ኦገታራ ሄመታናዉ ያሽያ ዎደ፥ ላዉዘ ም ጪይያ ዎደ፥ ቦለይ ቃፃናዉ ፆነትያ ዎደ፥ አሞያባይ አግያ ዎደ ግዳና። ሄ ዎደይ፥ አስ ባ መርና ኬ ብያ ዎደ፥ ዬከይሳት ዳልጋ ኦግያራ ዬክሸ ዩይያ ዎደ ግዳና።

6 ብራ ሳንላታይ ዱፆና ደእሽን፥ ዎርቃ ከረይ መቆና ደእሽን፥ ሃ ኦቶይ ፑልቱዋ ማታን መቆና ደእሽን፥ ሃ ኦላፈ ጎች ከስያ ዎዶሮይ ዱፆና ደእሽን፥ 7 ቢታይ ቢታኮ ስሞና ደእሽን፥ ሸምፖይ ባና እምዳ ፆሳኮ ስሞና ደእሽን፥ ነና መዳይሳ ቆፓ። 8 አስታማረይ፥ "ሀዳ! ሀዳ! ኡባባይ ሀዳ" ያግስ።

9 አስታማረይ ጭንጫ ፃላላ ግዶናሽን ኤራካ ግድያ ግሾ ደርያ ታማርስስ። እ ዳሮ ሌምሶታ ፕልግድ እሱዋ እሱዋ እያ ማራን ማራን ዱማይድ ዎስ። 10 አስታማረይ ልከ ግድዳ ቃላ ደማናዉ ኮይስ፤ ሄሳ ግሾ፥ እ ፃፍዳባይ ሱረነ ቱማ።

11 ጭንጫታ ቃላይ ሄንንቾይ ዉደ ላግያ ፄራ ኦጮ ፃምአ መላ። እስፈ ሺቅዳ ሌምሶት ጋ ኦይያ ምስማረ መላ።

12 ታ ናአዉ፥ ሀ ኡባፈ ቦላራ ኔኒ ናገታናዉ ኮሽያባይ ደኤስ። ማፃፋ ፃፍድ ዉርሳናዉ ዳንዳኤተና። ቃስ ዳሮባ ፕልግድ አጎና እፆይ አሳተ ዳቡርሴስ።

13 ሄኮ ኡባባይ ኦደትስ፤ ኡባባስ ኩሻይ ሀይሳ፤ ፆሰ ያይያ፤ እያ ኪታ ናጋ፤ ሄስ አሳስ ዋና ኦሶ። 14 ፆሳይ ኦሶ ኡባ ቃስ ጌምዳ ኡባ ሎኦ ግድን ኢታ ፕርዳናዉ ደኤስ።