ዮሃንሳ ዎንገላ 20

የሱሲ ማግደላ ማይራምስ ቆንጭስ

11 ሽን ማይራማ ሄ ዱፉዋ ዶናን ኤቃዳ ዬካሸ ሆካዳ ዱፉዋ ግዶ ፄላሱ። 12 ቦ ማኦ ማእዳ ናምኡ ኪታንቾት የሱሳ አሀይ ዝንእዳ በሳን እሶይ ሁጰሶራ ሀንኮይ ቶሆሶራ ኡትዳሽን በአሱ። 13 ኤንቲ ኢኮ፥ "ማጫሰተ፥ አይስ ዬካይ?" ያግድ ኦይችዶሶና።

እያ፥ "ኤንቲ ታ ጎዳ ኤፍዶሶና፤ ኤንቲ አዉን ዎዳኮ ታኒ ኤርከ" ያጋሱ።

14 ሄሳ ግዳፐ ጉየ፥ እያ ጉየ ስማ ፄልያ ዎደ፥ የሱሲ ያን ኤቅዳይሳ በአሱ። ሽን እ የሱሳ ግድዳይሳ ኤራቡኩ። 15 የሱሲ ኢኮ፥ "ማጫሰተ፥ አይስ ዬካይ? ኦና ኮያይ?" ያግድ ኦይችስ።

ማይራማ አታክልተ ኦሳንቹዋ ዳንን፥ "ጎዳዉ፥ ነ ኤክዳባ ግድኮ፥ እያ አዉን ዎዳኮ ታዉ ኦዳርኪ። ታኒ እያ ኤካና" ያጋሱ።

16 የሱሲ ኢኮ፥ "ማይራመ" ያግስ።

እያ እያኮ ስማዳ፥ እብራወ ዶናን "ረቡን" ያጋሱ። ሄሳስ ብርሸይ "አስታማርያዉ" ጉሱ።

17 የሱሲ ኢኮ፥ "ታኒ ቡሮ ታ አዋኮ ቦና ግሾ፥ ታና ኦይኮፋ። ሽን ታ እሻታኮ ባዳ፥ ‘ታኒ ታ አዋኮነ ህንተ አዋኮ፥ ታ ፆሳኮነ ህንተ ፆሳኮ፥ ስማና ግስ’ ጋዳ ኤንታዉ ኦዳ" ያግስ።

18 ማግደላ ማይራማ ጎዳ በእዳይሳነ እዉ ሄሳ እ ኦድዳይሳ ባዳ እያ ታማረታስ ኦዳሱ።