ይዳ ዶርሳ ሌምሶ
1 እስ ጋላስ ቃራፃ ቃንፀይሳትነ ናጋራንቾት የሱሳ ትምርትያ ስአናዉ እያ ዩሾን ሺቅዶሶና።15:1 ሉቃ 5:29-30. 2 ሽን ፋርሳወትነ ህገ አስታማረት፥ "ሀይስ ኡራይ ናጋራንቾታ ሺሽድ ኤኬስ፥ ኤንታራ እስፈ ሜስ" ያግድ ዙዙምዶሶና።
3 የሱሲ ሀ ሌምሱዋ ኤንታዉ ያግድ ኦድስ፦ 4 "ህንተ ግዶፈ እሱዋስ ፄቱ ዶርሳት ደእያባ ግድኮ ኤንታፈ እሶይ ይኮ ኡዱፉን ታማነ ኡዱፉናታ ባዞን አግድ ዮይሳ ደማና ጋካናዉ ኮዮናይ ኦኔ? 5 ደምዳ ዎደ ኡፋይትድ ባ ጋናን ቶክድ፥ 6 ባ ሶ ስሜስ። ባ ላገታነ ሾሮታ ፄግድ፥ ‘ይዳ ታ ዶርሳ ደማስ፥ ታራ እስፈ ኡፋይትተ’ ያጌስ። 7 ሄሳዳካ፥ ማሮት ኮሾና ኡዱፉን ታማነ ኡዱፉን ፅሎታፐ አድ፥ ማሮታን ገልያ እስ ናጋራንቹዋ ጋሶን ሳሎን ግታ ኡፋይስ ግዴስ።