Lucas 19

ግታ ቦንቾን የሩሳላመ ገሉዋ

28 የሱሲ ሄሳ ኦድዳፐ ጉየ፥ ኤንታፈ ስን ሄመትድ የሩሳላመ ብስ። 29 ሻማሆ ዙማ*19:29 ሻማሆ ዙማ፦ ሻማሆይ ዳሮ ዶልያ ዙማ ጉሱ። ቦላ ደእያ ቤተፋገነ ብታነ ማትዳ ዎደ ባ ታማረታፐ ናምአታ ኪትድ፥ 30 "ህንተ ስንን ደእያ ጉታ ቢተ፥ ህንተ ያ ጋክያ ዎደ ኦንካ ቶጎና ቃሸትድ ደእያ ሀረ ማር ደማና። እያ ብልድ ሃ ኤክ ዪተ። 31 ኦንካ፥ ‘አይስ ብሌቲ?’ ግድ ኦይችኮ፥ ‘ጎዳይ እያ ኮዬስ’ ያግተ" ያግስ።

32 ኪተትዳይሳት ብድ እ ግዳይሳዳ ሀንን በእዶሶና። 33 ኤንቲ ሀረ ማራ ብልሽን ጎዳት በእድ፥ "ሀረ ማራ አይስ ብሌቲ?" ያግዶሶና።

34 ኤንቲ ዛሪድ፥ "ጎዳይ እያ ኮዬስ" ያግዶሶና።

35 ያፐ ሀረ ማራ የሱሳኮ ኤህዶሶና። ባንታ ማኡዋ ሀረ ማራ ዞኮን የግድ የሱሳ ሀረ ማራ ቦላ ኡትስዶሶና። 36 አሳይካ እ ብያ ኦግያ ቦላ ባንታ ማኡዋ ሂፅዶሶና።

37 ሻማሆ ዙማ ዱገ ዎስያ ኦግያኮ ማትያ ዎደ፥ ታይቦን ኬህ ዳሮ አሳይ ኤንቲ በእዳ ማላልስያባን ኡፋይትድ ባንታ ቃላ ቁ ኦድ፥

38 "ጎዳ ሱንን ያ ካዎይ አንጀትዳይሳ

ሳሉዋን ሳሮይ

ኡባፈ ቃ ሳሉዋን ቦንቾይ

ፆሳስ ግዶ"

ያግድ ፆሳ ጋላትዶሶና።✝19:38 ማዝ 118:26.

39 አሳ ግዶፈ እስ እስ ፋርሳወት የሱሳኮ፥ "አስታማርያዉ፥ ነ ታማረታ ሀይዝተ ጋዳ ሀንቀታ" ያግዶሶና።

40 እ ኤንታኮ፥ "ኤንቲ ስእ ጊኮ ሹቻት ዋሳና" ያግስ።