Mateus 16

ፋርሳወታነ ሳዱቃወታ እርሾ

5 ኤንቲ አባፈ ሄፍን ፕንዳ ዎደ ዳቦ ኤክድ ያናይሳ ዶግዶሶና። 6 የሱሲ ኤንታኮ፥ "ፋርሳወታፐነ ሳዱቃወታ እርሹዋፈ ናገትተ" ያግስ።✝16:6 ሉቃ 12:1. 7 ኤንትካ ባንታ ጋርሳን፥ "እ ሄሳ ግዳይ ኑ ዳቦ ኤክድ ዮና ግሾሳ ግዳና" ያግዶሶና። 8 የሱሲ ኤንታ ቆፋ ኤርድ፥ "ህንተኖ፥ አማኖይ ፓጭዳይሳቶ! ዳቦ ኤኮና ይዳ ግሾ ዎል ግዶን አይስ ኦደቴቲ? 9 ሀእካ ህንተ አኬከቲ? እቻሹ ሙኩሉ አሳስ እቻሹ ኡይ ግሽዳይሳነ ኤንቲ ምድ ካልን ህንተ አፑን ጋይታ ኩመ ደንዳኮ ዶግደቲ?✝16:9 ማቶ 14:17. 10 ሄሳዳካ፥ ላፑን ኡይ ኦይዱ ሙኩሉ አሳስ ግሽዳይሳነ ኤንቲ ምድ ካልን፥ ህንተ አፑን ግታ ጋይታ ኩመ ደንዳኮ አኬከከቲ?✝16:10 ማቶ 15:34. 11 ህዛ፥ ታኒ ፋርሳወታነ ሳዱቃወታ እርሹዋፈ ናገትተ ጋዳ ኦደይስ ዳቦባ ግዶናይሳ አኬከከቲ?" ያግስ። 12 ያትን፥ እያ ታማረት የሱሲ ኦደይ ሙኑቃ ደንናዉ የገትያ እርሾባ ግዶናሽን ፋርሳወታነ ሳዱቃወታ ትምርትያፈ ናገታናይሳ ግደይሳ አኬክዶሶና።