Rute 1

8 ኑሃማ ባ ናይታ ማቸታኮ፥ "ህንተ ኡባትካ ህንተ አየ ሶ፥ አየ ሶ ስምተ። ህንተ ሀይቅዳይሳታስነ ታዉ ኬህዳይሳዳ ጎዳይ ህንተዉ ኬሆ። 9 ህንተ ገላና አዝናታ ሶን ጎዳይ ህንተዉ ሸምፖ እሞ" ያጋዳ ዬራዳ ኤንታና አንጃሱ።

ኤንትካ ባንታ ቃላ ቁ ኦድ ዬክድ፥ 10 "ኑካ ኔራ ነ አሳኮ ባና" ያግዶሶና።

11 ሽን ኑሃማ ኤንታኮ፥ "ታ ናይቶ ህንተ ሶ ስምተ። ህንተ ታራ አይስ ቤቲ? ህንተዉ አዝና ግዳና አደ ናይታ ህዛፐ ጉየ የላና ዳኒ? 12 ታ ናይቶ ስምተ፥ ታኒ አዝና ገሎናዳ ጭማስ። እ ዎና ታኒ የላና ግያኮ ኡባ ሀች ቃማ አዝና ገላዳ አደ ናአ የልያኮካ፥ 13 ሄሳት ድጭድ ጋካና ጋሶ ኤንታና ናጋነዬ? ኤንታ ግሾ ግድ አዝና ገሎና አታናዬ? ታ ናይቶ፥ ሄስ ሀኖናባ ግደይሳ ህንተ ኤሬታ። ጎዳይ ታና ኡንኤዳ ግሾ ህንተፈ ታ አ ጫመታስ" ያጋሱ።

14 ሄሳን ኤንቲ ባንታ ቃላ ቁ ኦድ ዳርስ ዬክዶሶና። ኦርፍ ባ አዝና አይዉ ዬራዳ ጉየ ስማሱ። ሽን ኡሩታ ኢፐ ሻከትከ ጋዳ ጋንታ ካና ሻሾ ግዳሱ።