2 Coríntios 9

6 पर बात तो या हइ, कि जो थोडो बोस हइ उ थोडो काट्ये भी. अरु जो भोत बोस हइ, उ भोत काट्ये. 7 हर एक जन जसो मन मे ठान्ये ओसो ही दान करणु. दुखी मन का अरु नी दबाव से, क्युकि परमेश्‍वर खे खुशी से देनआला से प्रेम रखस हइ. 8 परमेश्वर सब प्रकार को अनुग्रह तुम का अच्छा से दि सकस हइ जे,से हर बात मे अरु हर टेम, सब कुछ, जो तुम, जरुरती हइ, तुमारा पास र्‍हियेका अरु हर एक भला काम , लिये तुमारा पास भोत कुछ हइ. 9 जसो लिख्यो हइ,

"ओने बिखर्या, ओने गरीबहोन, दान दियो,

ओकी धार्मीकता हमेशा बनी र्‍हिये." ✝9:9 भजन संहिता 112:9

10 अरु जो बोनआला, बीज, अरु खान, लिये रोटी देस हइ उ तुम, बीज दियेका अरु ओखे फलवन्त कर्ये. अरु तुमारा धार्मीकता को फल होन, बडाये. ✝9:10 यशया 55:10 11 तुम हर बात मे सब रंग की उदारता, लिये जो हमारा वजेसे परमेश्‍वर, धन्यवाद करवास हइ, धनवान कर्या जानु. 12 क्युकि या सेवा, पूरो करण से, नी फक्त पवित्र इन्सान की घटीहोन पूरी होस हइ, पर इन्सानहोन, तरफ से परमेश्‍वर, भोत धन्यवाद होस हइ.