आखरी को टेम
1 "उही टेम मीकाएल नामको उ राज को बडो मुखिया, जो तरा दुनियाहोन को पक्ष करन खे खडा ऱ्हेस हइ, उ उठे. तब असो मुसीबत को टेम हुये, जसो कोय जात का पइदा होना का टेम से लिखे अब तक कभी नी हुयो, नी हुये; पन उ टेम तरा दुनियाहोन मे से जतना को नाम परमेश्वर कि लिखन किताब मे लिख्या हुया हइ, वे बची निकले.12:1 मत्ती 24:21; मरकुस 13:19; प्रकाशन 7:14; 12:7 2 जो जमिन का निचे12:2 धुलि कि जमिन मे सोयो ऱ्हीहे ओमे से भोत सा दुनिया जागी उठे, कतना तो हमेशा का जीवन का लिये, अरु कतना अपनी नामधराइ अरु हमेशा तक अत्यन्त घिनोनो ठहरन का लिये. 3 तब ज्ञानीदुन्या कि चमक आकाशमण्डल का जसो हुये, अरु जो भोतजन खे धर्मी बनास हइ, वे हमेशा तारहोन का जसा प्रकाशमान ऱ्हीहे. 4 पन हे दानिएल, तु या लिखन किताब पर मुहर करीखे ये वचनहोन खे आखरी टेम तक का लिये बन्द रख.12:4 प्रकाशन 22:10 भोत सा दुनिया पुछ-पाछ अरु ढुँन-ढान करे, अरु येका से ज्ञान बडी भी जाये." 5 यो सब सुन, मी दानिएल ने नजर करीखे का देख्यो कि अरु दो इन्सान खडा हइ, एक तो नद्दी का यो पार खडो थो, अरु दुसरो नद्दी का उ पार हइ. 6 तब जो इन्सान सन का कपडा पेन्या हुया नद्दी का पाणी का उपर थो, ओका से वे इन्सानहोन मे से एक ने पुछ्यो, "ये चकित कामहोन को खातमो कब तक हुये?" 7 तब जो इन्सान सन का कपडा पेन्यो हुयो नद्दी का पाणी का उपर थो, ओने मरो सुनता जवनो अरु डाखोऱ्यो, अपना दोय हात स्वर्ग का तरप उठयखे, हमेशा जिन्दो ऱ्हेनवाला कि कसम खयखे बोल्यो, "या दशा साढे तीन साल तक ही ऱ्हीहे; अरु जब पवित्र दुनिया कि शक्ति टुटते टुटते खमत हुइ जाये, तब ये सब बात पुरी हुये."12:7 प्रकाशन 10:5; 12:14 8 या बात मी सुनतो ही थो पन कुछ नी समझ्यो. तब मे ने बोल्यो, "हे मरा प्रभु, ये बातहोन को आखरी-फल का हुये?" 9 ओने बोल्यो, "हे दानिएल, जय जा; क्युकी या बात आखरी टेम का लिये बन्द हइ अरु येका पर सिक्को दी हुइ हइ. 10 भोत सा दुनिया तो अपना खे अच्छो अरु उजाला करे, अरु अच्छा हुइ जाये; पन बेकार दुनिया बेकार काम ही करता ऱ्हीहे; अरु बेकारहोन मे से कोय या बात नी समझे; पन जो डिमाकआलो हइ उ ही समझे.12:10 प्रकाशन 22:11 11 जब रोज कि बली दान बंद करी दियो जाये, अब तक जब वहा कुछ भयानक बेकार हुये, जो जो सच मुच स्थापित मुरती सचमुच भोत विनाशक हुये उ दिन से बारा सौ नव्वद दिन बित्हे.12:11 दानिएल 9:27; 11:31; मत्ती 24:15; मरकुस 13:14 12 का ही अच्छो हइ उ, जो धीरज धरीखे तेरा सौ पैंतीस दिन का आखरी तक भी पोचे. 13 अब तू जयखे आखरी तक ठहऱ्यो ऱ्हीहे; अरु तू अराम करतो ऱ्हीहे; अरु वे दिनहोन का आखरी मे तोखे तरो ठहराया जगा प्राप्त हुये."