35 Tegani ko Isus avile o Jakov thaj o Jovane, e Zevedejese čhave thaj vaćarde lese: "Učitelju, manga te ćere amenđe sa so roda tutar."
36 O Isus pučlja len: "So manđen te ćerav tumenđe?"
37 Von phende lese: "Mukh amen te beša tusa kana ka ave ane ćiri nebesko slava, jekh ki ćiri desno rig, a o dujto ki ćiri levo rig."
38 A o Isus vaćarda lenđe: "Ni džanen so manđen. Šaj li pijen o tahtaj savo me pijav? Šaj li krstin tumen krstimasa savesa me ka krstiv man?"
39 Von vaćarde: "Šaj."
Tegani o Isus vaćarda lenđe: "O tahtaj e patimaso savo me pijav ka pijen i tumen. I o krstipe e patimaso savesa me krsti man, i tumen ka krstin tumen. 40 Al te bešen manđe ki desno thaj ki levo rig našti dav me. Gola thana preperen kolenđe kase o Dol pripremisada."
41 Kana gova šunde e avera deš sikade, lije te holjavon po Jakov thaj po Jovane. 42 A o Isus dija len vika paše peste thaj vaćarda lenđe: "Tumen džanen kola save vladin e abandžijencar, sikaven po zuralipe pe lende thaj lenđe vođe manđen te gospodarin pe lende. 43 Al maškar tumende te ma avol gija! Ko manđol te avol maškar tumende baro, nek služil tumen, 44 thaj ko manđol te avol maškar tumende angluno, nek služil savoren. 45 Golese so ni me, o Čhavo e manušeso, ni aviljem te služin man, nego aviljem te služiv thaj mo džuvdipe te dav te bi poćinava butenđe."
O Isus sastarol e kore Vartimeje
(Mt 20,29–34; Lk 18,35–43)