1 Ane gola đivesa palem ćidije pe pherdo manuša pašo Isus, a ni sasa len so te xan. Gija dija vika o Isus pe sikaden thaj vaćarda lenđe: 2 "Žal manđe kale manušenđe, golese so trin đive ačhen mancar kate a naj len so te xan. 3 Ako mukhav len bokhalen te džan ćhere, ka malaksin ko drom, golese so nesave džene avile odural."

4 E sikade pučlje le: "Šaj li khoni ani kaja pustinja te araćhol gaći but xamase baše sa kala manuša?"

5 A o Isus pučlja len: "Kobor mangre isi tumen?"

E sikade phende: "Efta."

6 Tegani o Isus vaćarda e manušenđe te bešen pi phuv. Lija kola efta mangre, zahvalisada e Devlese, phaglja len thaj dija pe sikadenđe te ulaven thaj von ulade e manušenđe. 7 Sasa len i zala mačhe. O Isus zahvalisada baše mačhe, pa vaćarda i len te čhuven angle manuša.

8 Savore xalje thaj čalile thaj ćidije okova so ačhilo efta korpe.

9 Gothe sesa paše štar milje (4 000) murša. Pale gova mukhlja len o Isus te džan pese 10 thaj sigate bešlo ano čamco pe sikadencar thaj avilo pašo Dalmanutsko krajo.

11 Nesave fariseja avile ko Isus thaj lije te ćeren čingara lesa. Rodije lestar nesavo čudesno znako taro nebo, te bi iskušina le.

12 O Isus ane peste zurale uzdahnisada thaj pučlja: "Sose akana kava bijandipe rodol znako? Čače phenav tumenđe, ni ka dol pe nisavo znako kale bijandimase."

13 Pale gova ačhada len thaj palem đelo ano čamco thaj nakhlja ki aver rig e jezerosi.

14 E sikade bistarde te anen pesa dovoljno mangro, a sasa len ano čamco samo jekh cikni bokoli.

15 Dok nakhlje o jezero, vaćarda lenđe o Isus: "Araćhen tumen taro kvasco o farisejsko thaj o kvasco e Irodeso!"

16 A von maškar peste vaćarde so kava značil, pa phende: "Kava vaćarol kaj naj amen mangro."

17 O Isus džanglja sostar vaćaren thaj pučlja len: "Sose vaćaren kaj naj tumen mangro? Sar ni anen ani gođi thaj ni haljaren? Dal vadži si tumare ile zurale sar o bar? 18 Jakha isi tumen thaj ni dićhen. Kana isi tumen thaj ni šunen. Dal bistarden? 19 Kobor pherde korpe so ačhile ćidijen kana phagljem pandž mangre thaj čalile pandž milje (5 000) murša?"

Vaćarde lese: "Dešuduj (12)."

20 "A kana phagljem efta mangre ke štar milja (4 000) murša thaj von čalile, kobor pherde bare korpe ačhile so ćidijen?"

E sikade vaćarde lese: "Efta."

21 Thaj o Isus vaćarda lenđe: "Vadži li ni haljaren?"

22 Tegani resle ani Vitsaida. Nesave manuša ande e Isusese jekhe kore manuše thaj molisade le te čhuvol po va pe leste. 23 O Isus lija e kore taro va thaj ikalda le andaro gav. Čhungarda lese ke jakha, čhuta pe vasta pe leste thaj pučlja le: "Dićhe li khanči?"

24 O manuš dikhlja thaj vaćarda: "Dikhav manušen te phene phiren sar kašta!"

25 Pale gova vadži jekh drom o Isus čhuta pe vasta ke lese jakha thaj vov dikhlja, leso dićhipe irisajlo thaj sa šukar dikhlja.

26 Tegani o Isus bičhalda le ćhere thaj vaćarda lese: "Ma dža ano gav thaj ma vaćar khanikase."

27 Pale gova o Isus thaj lese sikade đele ane gava paši Kesarija e Filipesi.

I odrumal pučlja e sikaden: "So vaćaren e manuša, ko sem me?"

28 Von vaćarde lese: "Nesave vaćaren kaj san o Jovane o Krstitelj, avera o proroko o Ilija, a nesave vaćaren kaj san jekh tare prorokura."

29 Pučlja len: "A so tumen vaćaren, ko sem me?"

O Petar vaćarda lese: "Tu san o Hrist!"

30 Tegani o Isus vaćarda zurale lenđe khanikase te ma vaćaren lestar gova.

31 Pale gova o Isus lija te sikavol len kaj vov, o Čhavo e manušeso, trubul but te patil. Ka odbacin le e starešine, e šorutne sveštenikura thaj e učitelja tare Mojsijaso zakon thaj ka mudaren le, al vov o trito đive ka uštol tare mule. 32 O Isus putarde vaćarda lenđe tare kava, a o Petar crdija le ki rig thaj lija te iril le ma golestar te vaćarol.

33 A o Isus irisajlo, dikhlja pe sikaden thaj korisada e Petre: "Dža mandar, Satano, golese so tuće ani gođi naj e Devlikane buća, nego e manušikane!"

34 Pale gova dija vika o Isus e manušen te aven paše leste thaj paše lese sikade thaj vaćarda lenđe: "Ko manđol te džal pale mande, nek ačhavol korkoro pes, trubul te lol o krsto piro thaj nek džal pale mande. 35 Ko manđol piro džuvdipe te araćhol, ka hasarol le, al ko hasarol piro džuvdipe baše mande thaj bašo Lačho Lafi, ka araćhol le. 36 Golese, savo šukaripe ka avol e manuše ako sa o sveto dobil a hasarol po džuvdipe? 37 So vredil pobut tare ćiro džuvdipe?

38 A ko ladžal mandar thaj tare me lafura angle kava neverno thaj grešno bijandipe, tegani i me, o Čhavo e manušeso, ka ladžav lestar kana ka avav ani slava me Dadesi thaj e svetone anđelurencar."