1 Kana iklilo o Isus andaro Hram, jekh tare lese sikade vaćarda: "Učitelju, dikh save lačhe bara thaj kala lačhe građevine!" 2 O Isus vaćarda lese: "Dićhe li gola građevine? Ni bar po bar ni ka ačhol. Sa ka avol crdimo."

3 Kana o Isus bešlo ko Maslinsko brego prekal o drom taro Hram, o Petar, o Jakov, o Jovane thaj o Andrija korkore pučlje e Isuse: 4 "Vaćar amenđe kana gova ka avol? Save znakosa ka sikadol gova so ka ćerdol sa gova?"

5 A o Isus lija te vaćarol lenđe: "Araćhen tumen khoni te ma xoxavol tumen! 6 But ka aven ane mingro alav thaj ka vaćaren: ‘Me sem o Hrist.’ Thaj buten ka xoxaven. 7 Kana ka šunen maripe thaj glasura taro maripe save si dur, ma daran! Golese so trubul gijate te avol, al gova naj krajo. 8 Golese so ka uštol o narodo po narodo thaj o carstvo po carstvo. I phuv ka tresil pe ke but thana thaj ka aven bune thaj bokhalipe. Gova si anglunipe tare bare muke, sar kana i romni trubul te bijanol.

9 Kana ka avol sa gova, araćhen tumen! Golese so ka inđaren tumen ke sudura thaj ke sinagoge. Ka maren tumen thaj zbog mande angle vladara thaj angle carura ka ačhen, te svedočin lenđe mandar. 10 Al angleder, o Lačho Lafi sa e manušenđe trubul te propovedil pe. 11 Kana ka phanden tumen thaj ka inđaren tumen ko sudo, ma angleder te brinin tumen so ka vaćaren. Vaćaren gova so dol pe tumenđe te vaćaren ane gova sato. Golese so ni ka vaćaren tumen, nego ka vaćarol o Sveto Duxo.

12 O phral e phrale ka dol te mudarol pe thaj o dad e čhave. E čhave ka ušten pe dada thaj pe deja, a von ka den te mudaren len. 13 Thaj savore ka dićhen tumen banđeste baše mande. Al ko ka ačhol dži ko krajo pačavno, ka spasil pe.

14 Kana ka dićhen i ‘grozota savi anol uništipe’, sar ačhol odori kaj naj lako than, [sar vaćarol o proroko Danilo] – savo čitil kava, nek haljarol – tegani kola save si ani Judeja nek našen pe bregura. 15 Ko si po ćher, ma te uljol tele te džal ano ćher te lol khanči andral! 16 Thaj ko si ano polje ma te iril pe te lol po fostano! 17 Pharo e khamnjenđe thaj kole džuvljenđe save den čuči e čhavorenđe ane gola đivesa! 18 Molin tumen o našipe tumaro te ma avol ano jevend! 19 Golese so ane gola đivesa ka avol gasavo bilačhipe savo ni sasa taro anglunipe kana o Dol ćerda o sveto, pa dži akana thaj niti ka avol. 20 Al o Dol te ma kratila o đinipe gole đivesengo, khoni ne bi ačhola džuvdo. O Dol e đivesa kratisada baše kola manuša saven vov birisada.

21 Te phenda tumenđe tegani khoni: ‘Akh kate si o Hrist!’, il ‘Ek okori si!’, ma pačan. 22 Golese so ka ikljen xoxavne hristura thaj xoxavne prorokura thaj ka sikaven znakura thaj čudesura te bi xoxavena, te šaj, čak i e Devlese birimen. 23 Araćhen tumen! Sa vaćardem tumenđe angleder so ka avol!"

24 "Al ane gola đivesa, pale gova bilačhipe,

‘o kham ka kaljol

thaj o čhon ni ka sijajil.

25 E čerenja ka peren taro nebo

thaj e zora e nebose ka tresin pe.’

26 Tegani e manuša ka dićhen man, e Čhave e manušese, sar avav pe oblakura e zuralimasa thaj e bara slavasa. 27 Me ka bičhalav me anđeluren thaj von ka ćiden e birimen tare štar balvalja, taro krajo e phuvako dži o krajo e neboso."

28 O Isus vadži vaćarol kaja paramič: "Tari smokva kava sikljon: Kana pe laće raja ikljen pupoljkura thaj mućhen patrna, džanen kaj si o milaj paše. 29 Gija i tumen kana ka dićhen kaj kava avol, džanen kaj si o vreme paše, anglo vudar. 30 Čače vaćarav tumenđe, kaj kaja generacija ni ka naćhol dok sa kava ni avol. 31 O nebo thaj i phuv ka naćhen, al me lafura nikad ni ka naćhen!"

32 "Al khoni tare gova đive thaj gova sato ni džanol kana gova ka avol, ni e anđelura taro nebo, pa ni me, o Čhavo. Džanol samo o Dad. 33 Araćhen tumen! Aven džungade [thaj molin tumen]! Golese so ni džanen kana ka avol gova vreme. 34 Gova si sar o manuš, savo džal ko drom. Ačhada po ćher thaj naredisada e slugenđe so te ćeren. Svakonese dija pi bući thaj e manušese so ačhol ko vudar vaćarda te avol džungado te pazil.

35 Gija aven džungade, golese so ni džanen kana ka avol kova kaso si ćher, il angleder i rat, il ki opaš i rat, il kana e bašne đilaben, il ki sabalin. 36 Ako ka avol tare jekh drom, ma te araćhol tumen sar soven. 37 So vaćarav tumenđe, vaćarav savorenđe: Aven džungade!"