22 A e učitelja tare Mojsijaso zakon save avile andaro Jerusalim vaćarde: "Ane leste si o Veelzevul savo si vladari e benđengo! Vov lese zuralimasa tradol e benđen."
23 Gija o Isus akharda len paše peste thaj lija te vaćarol lenđe ane paramiča: "Sose bi o Satana tradola e Satana? 24 Te si o carstvo korkoro pestar ulado, gasavo carstvo ne bi šajine te ačhol. 25 Te ani familija avol dži ulaipe, gasavi familija našti ačhol. 26 Te o Satana uštol korkoro pe peste thaj ulavol pe, našti te ačhol, nego ka properol.
27 Al khoni našti te dol ano ćher e zurale manušese thaj te inđarol leso barvalipe angleder so ni phandol le. Tegani šaj te čorol sa andaro ćher.
28 Čače vaćarav tumenđe: sa e grehura e manušenđe šaj oprostin pe thaj i hula savi phenen. 29 Al dži jekh savo hulil po Sveto Duxo, nikad ni ka oprostil pe lese. Nego si bango za ke sa e đivesa baše akava greh."
30 Gova vaćarda lenđe o Isus golese so e učitelja tare Mojsijaso zakon vaćarde: "Ane leste si o bilačho duxo."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)