Marko 5

O Isus vazdija tare mule e čhejora em sastarda e nasvale džuvlja

21 Kana o Isus đelo e čamcosa ki aver rig e jezerosi, ćidije pe but manuša paše leste.

Dži kaj ačhilo pašo jezero, 22 avilo jekh starešina tari sinagoga, kaso alav sasa Jair. Kana dikhlja e Isuse, pelo ke pe koča mujesa premali phuv angle leste 23 thaj but molisada le: "Mi mangli čhejori si dži o meripe. Moliv tut, av thaj čhuv će vasta pe late, te sastol thaj te živil."

24 Gija o Isus đelo lesa, a pale leste đele i but manuša thaj ćićidije le.

25 A gothe sasa nesavi džuvli, savi sasa nasvali dešuduj (12) berš taro thavdipe o rat. 26 Voj but patisada thaj trošisada sa so sasa la tare lekara, al khanči ni pomognisade la thaj sasa laće sa po bilačhe. 27 Kana šunda taro Isus, nakhli palal tare lese dume maškar gola but manuša thaj dolda le tare leso ogrtači. 28 Golese so vaćarda ane peste: "Samo te dolav man pe lese šeja, ka sastivav!" 29 Thaj sigate ačhilo latar te thavdol o rat thaj osetisada ane po telo kaj sastili taro piro pharo nasvalipe.

30 Tari jekh drom o Isus džanglja kaj i zor iklili lestar. Irisajlo premal e manuša thaj pučlja: "Ko dolda pe tare me šeja?"

31 E sikade phende lese: "Tu dićhe kaj gaći manuša ćićiden amen, a tu puče ko doldape pe tute?"

32 A o Isus dićhola trujal peste te araćhol kola savi ćerda gova. 33 A i džuvli darajli thaj izdraja, golese so džanglja so sasa, gija avili thaj peli mujesa premali phuv angle leste thaj vaćarda lese sa o čačipe.

34 O Isus vaćarda laće: "Ćo pačajipe sastarda tut, mi čhej. Dža ano mir thaj av sasti taro ćiro pharo nasvalipe."

35 Thaj kana vadži vaćarola o Isus, avile nesave manuša andaro ćher e Jaireso savo sasa starešina ani sinagoga thaj vaćarda lese: "Jaire, ći čhej muli! Sose vadži muči e učitelje?"

36 Al o Isus ni dija pažnja ke kala lafura thaj vaćarda e Jairese: "Ma dara! Samo pača!" 37 Ni dija khoni te džal lesa samo o Petar, o Jakov thaj o Jovane, e Jakoveso phral.

38 Kana resle ko ćher e Jaireso savo sasa starešina ani sinagoga, o Isus dikhlja kaj but manuša gothe roven thaj but den vika. 39 Dija ano ćher thaj pučlja len: "Sose den vika thaj roven? I čhej ni muli, nego sovol!"

40 Von lije te asan lese. Al vov ikalda len savoren avri, lija e dade e čhejaće thaj laće da thaj e trine sikaden save sesa lesa thaj đele andre ani soba kaj pašljola i čhej.

41 Vov lija e čhejako va thaj vaćarda laće: "Talita, kum!" (So značil: "Čhejorije, tuće vaćarav, ušti!").

42 I čhejori sigate uštili thaj lija te phirol. Sasa la dešuduj (12) berš. Savore sesa začudime so dikhlje kava čudo. 43 Al o Isus strogo naredisada lenđe, ma te vaćaren khanikase kava thaj vaćarda te den e čhejora te xal.