Marcos 9

17 Jekh gothar tare manuša vaćarda lese: "Učitelju! Andem tute me čhave savo si laloro, golese so si ane leste bilačho duxo. 18 Kana dolol le gova duxo, peravol le, mućhol spume thaj dandencar marol thaj kočil pe. Vaćardem će sikadenđe te traden le, al von naštine."

19 O Isus phenda lenđe: "O, bipačavno bijandipe! Kobor ka avav tumencar? Kobor ka trpiv tumen? Anen e čhavore mande." 20 Gija ande e čhavore angle leste. Kana o bilačho duxo dikhlja e Isuse, sigate lija te tresil e čhavore. O čhavoro pelo ki phuv, lija te iril pe thaj mukhlja spume. 21 O Isus pučlja lese dade: "Kobor si vov gasavo?"

O dad vaćarda: "Taro ciknipe. 22 O bilačho duxo but droma čhudol le ani jag thaj ano paj te mudarol le. Golese ako šaj te ćere khanči, smilui tut amenđe thaj pomogni amen!"

23 O Isus vaćarda lese: "Sose puče: ‘Ako šaj’? Sa šaj kolese savo pačal."

24 O dad e čhavoreso sigate dija vika: "Pačav! Pomogni manđe pobut te pačav."

25 Kana dikhlja kaj but manuša lije te prasten premal lende, o Isus korisada e bilačhe duxo vaćarindoj: "Duxona so ćere laloripe thaj kašućipe, vaćarav tuće: Iklji lestar thaj ma te ave ane leste više nijekh drom!"

26 O duxo dija vika, zurale tresisada e čhavore thaj iklilo o duxo lestar. O čhavoro ačhilo te pašljol tele sar mulo, pa but džene dena gođi kaj si mulo. 27 A o Isus dolda le taro va, vazdija le thaj o čhavo uštilo.