1 Ano Vitlejem sasa jekh but barvalo manuš savo akhardola Vooz. Vov sasa familija e Elimelehesa, e Noominaće romesa.

2 I Ruta i Moavka vaćarda pe sasujaće e Noominaće: "Mukh man te džav ano polje te ćidav e klasura save ačhile pale kova ane kase jakha ka arakhav milost."

I Noomi vaćarda laće: "Dža, mi čhej."

3 Gija i Ruta đeli ano polje thaj ćidija klasura pale bućarne save ćidena o ječmo. A i bax anda la ano kotor e poljeso savo preperola e Voozese tari familija e Elimelehesi.

4 Tegani o Vooz avilo andaro Vitlejem thaj pozdravisada e bućarnen save ćidena: "O GOSPOD tumencar!"

Von vaćarde lese: "O GOSPOD nek blagoslovil tut!"

5 O Vooz pučlja e nadgledniko savo dićhola e bućarnen: "Kasi si kaja terni romni?"

6 O nadgledniko vaćarda: "Goja terni romni si i Moavka savi irisajli e Noominasa andaro Moav. 7 Voj pučlja man: ‘Moliv tut, šaj li te ćidav maškare snopura kova so ka ačhol pale bućarne?’ Avili sabalje thaj ačhili sa dži akana, samo zala odmorisajli tali senica ano lado."

8 Tegani o Vooz phenda e Rutaće: "Šun, mi čhej! Ma te dža te ćide ke avera poljura, ačh kate, ačh mingre sluškinjencar. 9 Dikh ke savo polje ka ćiden me sluge, pa tu dža pale lende me sluškinjencar. Me slugenđe vaćardem te ma dirin tut. A kana ka ave trošali, dža dži ke čare thaj pi paj savo e sluge dolde."

10 Kana šunda gova i Ruta, peli mujesa dži i phuv thaj vaćarda lese: "Sar arakhljem gasavo baro milost ane ćire jakha te obrati pažnja pe mande, iako sem me abandžika?"

11 O Vooz phenda: "Vaćarde manđe sa so ćerdan će sasujaće palo meripe ćire romeso, sar đeljan tare ćiri dej thaj ćiro dad, tare ćiri phuv thaj aviljan te živi e narodosa save ni pindžare. 12 O GOSPOD nek poćinol tuće baše gova so ćerdan. But nek nagradil tut o GOSPOD, o Dol e Izraeleso, tale kase phakha aviljan te garave tut."

13 I Ruta phenda: "An te arakhav milost i vadži ane ćire jakha, gospodarona! Utešisadan man thaj lačhe vaćardan mancar, ćire sluškinjasa, iako naj man pravo pe gova sar avera ćire sluškinje."

14 Kana sasa o vreme xamase, o Vooz phenda laće: "Av akari te xa mangro, bol o mangro ano šut."

I Ruta bešli paše bućarne thaj o Vooz dija la peko điv. Voj xalja dži kaj ni čalili thaj vadži ačhilo la.

15 Kana uštili vadži te ćidol e klasura, o Vooz naredisada pe slugenđe: "Mućhen la te ćidol i maškare snopura, ma dirin la. 16 Pa i namerno mućhen zala klasura andare snopura te šaj voj te ćidol, thaj ma korin la."

17 Gija voj ćidija sa dži kaj ni peli i rat. Pale gova marda e klasura sar bi ulavola e zrnura thaj ani korpa pherda deš kila ječmo. 18 Tegani voj lija gova, irisajli ano foro thaj sikada pe sasujaće e Noominaće kobor ćidija. Tegani i Ruta ikalda kova so ačhilo la taro xape, thaj dija laće.

19 Pučlja la i Noomina: "Kaj ćidijan avđive? Kaj ćerdan bući? Nek avol blagoslovimo kova savo obratisada pažnja pe tute!"

Tegani i Ruta vaćarda pe sasujaće kaste ćerda bući, thaj phenda: "O manuš kaste avđive ćerdem bući akhardol Vooz."

20 I Noomina vaćarda pe boraće: "Nek blagoslovil le o GOSPOD, savo ni ačhilo te sikavol baro manglipe ni premale džuvde ni premale mule." Thaj vadži phenda: "Gova manuš si amari pašutni familija savo bi trubula te brinil pe amendar."

21 Tegani i Ruta i Moavka phenda: "O Vooz vadži vaćarda manđe: ‘Ićar tut paše mingre sluškinje dži kaj ni ćiden sa mo điv.’"

22 I Noomina vaćarda e Rutaće pe boraće: "Šukar si, mi čhej, te dža lese sluškinjencar, golese so ke avera poljura šajine bi khoni te ćerol tuće khanči bilačhe."

23 Gija i Ruta ićarda pe paše Voozese sluškinje thaj ćidija dži ko kraj tari žetva e ječmosi thaj e đivesi. A bešli ki pi sasuj.