1 O Vooz đelo ke forosi kapija thaj bešlo. Kana avilo kova pašutno kastar o Vooz vaćarda, phenda lese: "Amala, ava thaj beš akate."

Vov avilo thaj bešlo.

2 Tegani o Vooz ćidija deše starešinen e forose thaj vaćarda lenđe: "Bešen kate." Von avile thaj bešle.

3 Pale gova vaćarda kole pašutnese: "I Noomina, savi irisajli andaro Moav, biknol jekh kotor tari phuv savi preperol e Elimelehese, savo sasa amari pašutni familija. 4 Gija golestar odlučisadem kaj ka phenav tuće angle manuša save bešen kate thaj angle starešine mingre narodose, te ćine gova kotor tu. Te mangljan te ćine le, ćin le. Al te ni mangljan, vaćar manđe te džanav, golese kaj pale tute sem ko redo me kas isi pravo te ćinol le."

Kova pašutno phenda: "Ka ćinav le."

5 Tegani o Vooz vaćarda: "Gova đive kana ćine i phuv tari Noomina, ćine i e Ruta e Moavka, e romnja kaso rom mulo. Voj te bijanol čhave savo ka nasledil laće mule romeso imanje thaj te araćhol leso alav."

6 Pe gova o pašutno phenda: "Tegani našti te ćinav, te ma ugroziv mingro nasledstvo. Tu ćin la, pošto me našti."

7 Angleder ano Izrael kana ćinena il menjina i imovina, potvrdila bi pe gija so bi jekh tare učesnikura uljarola pi sandala thaj bi dola la kole averese. Gova ano Izrael sasa dokaz kaj si i pogodba dogovorime.

8 Golese kova pašutno phenda e Voozese: "Tu ćin la," thaj uljarda i sandala thaj dija la e Voozese.

9 Tegani o Vooz phenda kole starešinenđe thaj sa e manušenđe: "Tumen sen avđive svedokura kaj tari Noomina ćindem sa so sasa e Elimeleheso, e Kiljoneso thaj e Mahloneso. 10 Gija ujedno ćindem manđe romnja, e Ruta e Moavka, romni e Mahlonesi savo mulo, te bi arakhava o alav thaj o nasledstvo e muleso, te ma bi bistrola pe leso alav maškare manuša thaj ane leso foro. Tumen sen avđive svedokura."

11 Tegani kola starešine thaj savore save sesa paši forosi kapija vaćarde: "Svedokura sam. O GOSPOD nek ćerol, i romni savi uljol ane ćiro ćher te avol sar i Rahilja thaj i Lija, save katane vazdije o ćher e Izraeleso. Tu te ave ugledno manuš ani Efrata thaj slavno ano Vitlejem. 12 Nek ćiri familija, prekale čhave save ka dol tut o GOSPOD tari kaja terni romni, avol sar i familija e Faresesi, kas i Tamara bijanda e Judase."

13 Gija o Vooz lija e Ruta thaj voj sasa lesi romni. Kana suta lasa, o GOSPOD dija la te ačhol khamni thaj voj bijanda murše čhave.

14 Tegani e džuvlja vaćarde e Noominaće: "Hvala e GOSPODESE, savo avđive dija tut čhave te brinil pe tutar. Leso alav te avol slavno ano Izrael. 15 Vov ka ćerol te avol tuće šukar thaj ka dićhol tut ko phuripe. Golese so bijanda le ći bori, savi but manđol tut thaj savi si tuće pošukar tare efta čhave."

16 I Noomina lija e čhave, lija le ane vasta thaj arakhlja le.

17 Al o alav dije le e džuvlja save bešena paše lengo ćher.

Phende: "E Noominaće bijandilo čhavo," thaj dije le alav Jovid. Vov sasa dad e Jesejeso, e Davidese dadeso.

18 Kava si e Faresese kuštika:

E Faresese bijandilo o Esrom,

19 e Esromese bijandilo o Aram,

e Aramese bijandilo o Aminadav,

20 e Aminadavese bijandilo o Naason,

e Naasonese bijandilo o Salmon,

21 e Salmonese bijandilo o Vooz,

e Voozese bijandilo Jovid,

22 e Jovidese bijandilo o Jesej,

a e Jesejese bijandilo o David.