1 Na haya hana ha ali Hwinsu u ea cikarigo na haca̱ca̱ ahaci pa acubago Hwinsu tun huni na hayina dinya, 2 ama na hun ihogu bu i cikarigo na gaci pa Bwa bu bware Yesu, buna buba i tibai pa Bwa buba, Bube busan Magaji u tibai. pa Bwa bu bware hinda Hwinsu uba i cinge na zaro na ina iyiwa na suwa waba. 3 Bwa buni hinda bube busa cingero na izangacu i Hwinsu hinda i nyaga na Hwinsu. pa koce buba bu kumgage i tibai na tibai pa cikarigo ci bware hinda buyiwa nga̱ Hwinsu. una uza kuce nga̱ bware bu ce guzagi ciri, kwa bware na madala na wa cuga u Hwinsu buna buza izangacu ka̱mu.

4 Hwinsu u uga Bwa bu woba bu zake acuma Hwinsu na kuce nga̱ ize ina Hwinsu ibu pan bware i zake ina yaba cilabe. 5 Hwinsu wa hyinwo acuma uba,

<<Busa Bwa bumui;

nawuya nasa Buca̱ abuhin.>>

Ko hinda Hwinsu wui tabo hin na acuma,

<<Ni sa Buca̱ abuya,

hinda bui sana Bwa abumui.>>

6 Ama nga̱ Hwinsu uba gimbaga cuma Bwa buba suwa doone, u hin,

<<Ka̱mu acuma Hwinsu a pa̱ Bwa bu ba cilabe.>>

7 Ama na cikarigo ci acuma Hwinsu u hin,

<<Hwinsu usa̱ acuma uba asa̱ nga̱ mupyala,

muna yiwa na eagya unwa ibwana nga̱ a̱re a ala.>>

8 Ama zwama Bwa bu Hwinsu u hin,

<<Cigwama ci Hwinsu ciza ihogu,

Bui ea cigwama na burya̠.

9 Bu ka̱ri i burya̠ hinda bu wonje eewo;

Ube usa̱ Hwinsu, uba bu tanga goo bu curi a'usa a ibwana nebui

nabu hala goo manube ma wanwo.>>

10 Hinda u hin,

<<Na jigu, Goo, Buca̱ bu yaba, gabuya bu i ema i doone,

zaro hinda usa ibwana i wa nubui.

11 I ka̱mu iza yanakana, ama goo bu za ihogu; Ka̱mu waba ai unge a nyaga nga̱ hazuzu.

12

Bui naji unwa nga̱ cilapo,

ai sake unwa nga̱ hazunga

Ama goo aza bu saka buyiwa nga̱ goo buyiwa,

ama goo buza onge.>>

13 Hwinsu wa tabuwa hin na acuma a bware,

<<Madale na wa cuga numui

kwa na san aco na ai ka̱ruwo

Utaka u buna nubuya.>>

14 Bamba asa acuma Hwinsu? Abe as a̱huru ana a lagana Hwinsu, Hwinsu u cuma ga zwam a banga aco na ai re gajo u icagagu.