1 Icibago i Musa usa kwatanci u ina gyamace hana hayiwa na gaba-una ui sawa u burya̠. Zwama haruni ube sa burya̠ mu aco na ka burya̠ kure ciyabu na Hwinsu ai sinjuwa zwama sadaka zwama a guzagi ciri maba pa aco na ka̠ri pan Hwinsu izangaci. 2 Sa aco ni yiwa ni pan Hwinsu cilabe si lalle a guzagiga pa magwata̱ maba, aza hugi munnya hinda aza panakana sadaka. 3 ama hasadaka hani haba iri usa buturagu i magwata̱ tuhumba uyah, 4 zwama mahin ma icuri bina na mahin ma muyaya maza ipwana guzaga magwata̱.

5 Zwama haruni, inga Kristi uba kanro u kure na doone, bware bu hin na Hwinsu:

<<Bwa ka̱ruwo ipangano sadaka u daje,

ama bu kimga ikanga zwama gyamui;

6 na ipanganu i sadaka na iguzagu i magwata̱

bwa hugaguwa laco.

7 Kwa gya na hin, na <Gyamuya buna- na ginbo ea ibwana nebo Hwinsu-inga aba rubuci na cikarigo-ci Hwinsu-

Na kurya zwama gya eag ibwana nubuya oh Hwinsu.> >>

8 Na jigu bu hin, <<Sadaka na ipanganu, na sadaka mana aba na tana ula na, usadaka u ciguzagu u magwata̱ sam Bwa ka̱ruwo>> (ka̱mu na ama icibago i Musa u ka̱ri ini ka̱mu. 9 Kwa buba na hyin, <<Gyamuya buna, Na kurya zwama gya i ina goo bu kari gya eag.>> Bu tanga bu jigu bu sana buna bu lagi. 10 Zwama Yesu aba i ina Hwinsu uba hin ana a eagi, gaci sana aco nagu ciri zwama sadaka una Kristi uba pan ikanga yaba u sadaka mana maza ihogu ma aco ka̱mu.

11 Tun nahun bulabe bu hayahudawa bu pan sadaka;ama sadaka uni uza i zanga magwata̱. 12 Ama nga Kristi uba pan sadaka ma ikanga yaba mana ma yiwa hal ihogu zwama magwata̱ ma aco kwa buba na madale na wa cuga u Hwinsu na izangacu. 13 Bware buyiwa na a̱pe a tana a'usa a bware ana a i ka̱ruwo bwa imiya na buna bware zwama buba punjiga, 14 Zwama sadaka uni uinka Bware bu san aco na aba ai guzagu ga a sanya aco nagu ciri mana maza ihogu. 15 Zwama a̱huru a burya̠ a i sheda nuci. Na jigu u hin:

16 Hwinsu u hin, <<Una usa kucuna mana ma gya na ba

na haya han ha yiwa na koro.

Ni tana icibago numuya na soo wab

hinda na rubuci na soo wab.>>

17 Kwa bware na hin:

<<magwat mab na dala ciri maba

Na za mabutiryagya hal ihogu.>>

18 Si a curgagya buco magwata̱ maba uza na gimbo u sadaka.

19 Zwama haruni, hun namui alagano Hwinsu, ciza iyajo ana ci ise ihuga ina i zake na nagu ciri zwama u'o u Yesu, 20 Yesu hinda bube bu ci gunja yina, yina u a̱huru ana aza ihogu, zwama labule u iginga, wato ikanga ibuba, 21 Hinda ciza Bulabe bu iginga buna buyiwa na cigwama ci aco Hwinsu, 22 Zwama haruni ci kurya ciyabu na Hwinsu na soo u kamahinda na isinju itano soo ko ni iwasa ci kurya pa Hwinsu na suwa mana aba guzagu pa wumba̱ magwata̱ na ikanga mana aba guzagu na miya ma burya̠. 23 Ci yisa na itano soo na koce nuciya, zwama buna bu gaci tani soo busa buco bu sinji cikarigo ciba. 24 Ci byanija sicwa asici zwama gaci ci pan sicwa asici kuce hinda ci cebe maka̠la̠ ci i ibwana i burya̠. 25 Ci ta curya itanagano i alagano Hwinsu inga acagiya aba curya ama ci i cikarigo ci pangano koce musama bani nga̱ uringuwo u Bugwama Yesu u yabta.

26 Aza sadaka si ci i magwata̱ na idakago nuci nga̠ ga̠ci ci hyan idakagu i kamahinda. 27 Ama na haruni, kwa di a̱pe na iwasa i gunju hukunci na ula mana ma sungola dinya mana mai hogu re aco na ai ka̱ruwo Hwinsu. 28 Ka̱mu buna bu wunje icibago i Musa ai hune bo ko yama si di a hyin aco barya ko tato a pan sheda. 29 Ka̱mu buna bu yagage Bwa bu Hwinsu hinda bu yagage mahyin mana buba jigi zwama ci san na nagu ciri nuci bu i zargi u a̱huru a burya̠ na i burya̠ Hwinsu! umba hukunci i yiwa na tsammani ugyamaci a gunji buco buni? 30 Zwama ci daki buna bu hin, <<Na ma cupa, gya hinda ni ma cupa.>> hinda bu gupa hin, Bugwama bu doone bui gunji hukunci u aco Bware.>> 31 Uza iwasa buco bu ise wa Hwinsu. 32 Mabuturyagya hunna ganhi hyan ihyanagu cigero u Hwinsu, i yisa na kuce, iyiwa na darya na sungoro ama i sanuwa ga̱hin maginje. 33 Icagiya hun ayiwa nibu pangan wahala na hisa aco hinda na panganu wahala ni sinu si aco; icagiya hun i yiwa na ia̱ga dala na aco na yiwa na so iri sungorwo ni. 34 Zwama i cuta yama pa aco na yiwa na yaba ci'incu hinda i cuta soo cine huna aba cagaga icwana nihi zwama i daki ana izi malaki ma burya̠ mana maza ihogu.

35 Zwama haruni ita kwamana itano soo nihi zwama ui kulagaga daje. 36 U kamaci ga̱hi hinsa na kuce, zwama na haruni ga̱hi i ea ina Hwinsu uba ka̱nri, bayan haruni i ca ina aba ia̠gya ga alkawali. 37 Zwama cikarigo ci Hwinsu ci hin,

<<Sa na isonu, Bube buna bu yiwa na kure bui kure hinda buza hacigaga lokaci.

38 Ama aco numui a nagu ciri ai hyan a̱huru ana aza ihogu zwama itano soo iba.

Ama si a maringe kacuta,

Na za hogi laco na buba.>>

39 Ama gaci ci sa nga̠ aco na maringe kacuta a kwaji, ama aco na aza itano soo hinda ai cagaga ga.