1 Melkizedek masase busa bugwama bu Salem, hinda masa bulabe bu Hwinsu buna bu zake tiganba. Nga̱ Ibrahim iba na giwo pa gasa ina i bware buba i nasara na mugwamgwam mu nasi, Melkizadek bu bangi bware na tana bware unu burya̠, 2 hinda Ibrahim bu pa bware zaka u tibe. na jigu, ma'ana ma ize i melkizedek usa <<Bugwama bu yins burya̠.>> Hinda bube busa Salem, una uyiwa na nupi <<Bugwama budala a burya̠.>> 3 Melkizedek hinda buza buca ko amaci, ko usali, Buza jigu u haya ko ihogu i a̱huru, Inga Bwa bu Hwinsu bware busa bulabe bu Iginga hal ihogu. 4 Byana iri muso u buco buni: Hal Ibrahim buna busa hacaca a ha Israila bu pan bo ha sadak una u bware bu hin na gasa. 5 Na icibago i Musa Ka̱mu azwaga a Lawi ana asa alabe a iginga ayiwa na cyag sadak pa wa u aco wata pa sia'osa, Ka̱mu na haruni asa azwaga a Ibrahim. 6 Aman Melkizedek buna bu usali u bware ui sa uinka na ha Lawi, hinda bu cyag sadak pa wa u Ibrahim, hinda bu tana Ibrahim unu u burya̠ buna aba egyi kucuna. 7 Ko na shaka buna bweywa na tana unu u burya̠ bu zaki buna buyiwa na cyag na labe. 8 Ha piristi hana ha cyag u sadaka asa aco cwre ana a kwadag, ayiwa na cyaga ha sadaka pa wa aco, ama na zwama u Melkizedek, buna bu cyag u sadaka pa Ibrahim, a pan sheda u bware busa buna buza kwadag hal hal hal, 9 Hal hinda ai pan hin bo Lawi na icwa iboba, buna bu azwaga a bware abe na cyag sadaka, bware bu pan sadak u buba pa wa u Ibrahim. 10 Zwama na hona Melkizedek uba bangi Ibrahim, ai matuwa Lawi, ama bu yiwa na ikanga i buba

11 Baniya nga halabe a iginga una u azwaga a Lawi u kurya na icibagu u Musa una aba pan Isra'ila. Wasa a hin ana ibwana i alabe alabe ana a sizwaga a Lawi ui pan dala a usinju, ai aza Hwinsu uza cumakana acagiya Bulabe bu iginga, na bulabe bu iginga buna bu i daidai na Melkizedek maimako Lawi na Haruna. 12 Zwama si a masaki alabe a iginga usa dole a saki icibago. 13 Buna ayiwa na zwaman cikarigo cina zwama buba, wata Bugwama doone, bu sirya daga azwaga a daban, hinda aza ko na buco bweka buna bu isirya pa azwaga a buba buna bu i ibwana. 14 Ina i yiwa na nupi, Buca abuco bu sirya pa azwaga a Yahuda una Musa bui tabuwa ea cikarigo ciba zwama bulabe bu iginga. 15 Hinda cikarigo cini ga̠ci ci bu zwaman cizawa na cisunyi si acagiya alabe buna buyiwa inga Melkizadek buzawa na cisunyi. 16 Yesu hinda bu sana Bulabe bu iginga sa zwama na igyamacu i iganga kafin Buba sana bu nga̠ aco doone ama zwama a̱huru ana aza ihogu. 17 Cikarigowo na ci Hwinsu hyan:

<<Gabuya busa Bulabe bu iginga buna buza ihogu, na stari u melkizedek.>>

18 A curi iciba jigu na wa gula zwama uza kuce na nagu ui ampani i uba. 19 (Zwama icibago i Musa uza jube sana ihya u sinji), ama baniya a i acagiya itano soo una ui ci kulaa pa Hwinsu.

20 Hwinsu u tabaci ini pa kucuna kuba! Hwinsu wa iwo haruni pa acagiya alabe iginga, 21 Ama Yesu bu sana Bulabe bu iginga na kucuna inga Hwinsu uba hyin naba:

<<Hwinsu u rigano i kucuna

hinda uza i sake suwaba:

<Guwo bui san bulabe bu iginga una uza ihogu.> >>

22 Zwama kucuna ku Hwinsu Yesu uba sana Buco bu kimgana aco na Hwinsu. 23 Alabe ajigu a musa zwama u'o uza na curiga eag ibwana; 24 Zwama Yesu ui eag cigwama na bulabe cina ciza ihogu. 25 Zwama haruni buzi kuce cagagu aco baniya na tunohun kanmu buna bu kurya ciyabu na Hwinsu, zwama buyiwa hal abadan hinda bu i roko madadi waba.

26 Yesu asa Bulabe bu iginga gaci gimbo-zwama busa bu nagu u ciri, hinda buza nagu kamahinda, nagu ciri, a zaciga bware na aco magwata̱, hinda a pan bware izangacu na cigwama ci Hwinsu. 27 Bware bwe nyaganuwa na acagiya alabe a iginga, bware bu za bukata u i sadaka tunohun, zwama acagiya alabe ayiwa na eag haruni zwama a guzagi ciri maba kapi aba pan sadaka zwama iguzagu i ciri aco. Yesu bu pan icwa yaba so uinka. 28 Zwama na icibago i Musa ai zaciga buco buinka na ciri; Ama kucuna ku Hwinsu ub i, wa kurya nga Musa wa riganu ci icibago, ama na kucuna aba san bware buna bu sinji hinda buza ihigu.