Mateus 26

A̱hunda a Yesu na Getsemani

36 Kwa Yesu na kore na silmajiri si bware na ihuga̱ ina aba ogo Getsemani, kwa ni hin nab, <<Madaleje a̱pi gya kore ahwa i ahunda̱.>> 37 Yesu zangi Bitrus na saawo sirya sa zabadi, soo u bware u hacigage dinyiya. 38 Yesu hin naba, <<Soo nimui u hacigage dinyiya hal ma nga̱ ni ka̱ri kwaji. I sanje a̱pi tare ni gya.>>

39 Nga̱ Yesu iba madajigane cimu, kwa buba ni kuzata sinu bware ni cinge na ia̱ga ahunda̱, <<Buca abumui, si ema ia̱, zangaca adanda na ahwamui. Sa nga̱ gya ni ginbo, kwa nga̱ goo bu ginbo.>> 40 Nga̱ Yesu uba maringe pa silmajiri si bware kwa buba bangi ga na malabo. <<Izaa pwan ia̱ a̱pe na gya ko ma awa uika>>? bu kaba̱ Bitrus. 41 <<Yisanje i ia̱ ahunda̱ zwama ga̱hi ita esa pa igwadagu. a̱huru u ginbo, kwa di ikanga̱ izaa koce.>>

42 Kwa Yesu na kore korwo u lagi na ia̱ ahunda̱, <<Buca abumui, su zaa ma ia̱gi kwa na so miya ma adanda na, ina goo bu ginbo a i.>> 43 Nga̱ bware buba maringe kwa na bangi ga na malabo, zwama malabo ma konbe ga dinyiya. 44 Kwa bware curya ga kwa kore u taculana ia̱ ahunda̱, na hin ina buba zwamago. 45 Kwa Yesu na maringe pa silmajiri sa bware kwa ni hin, <<Isiyiwa na malabo na uhunpacu? Byana, lokaci u yabtano, ai cutana Bwa bu Buwama na wa aco magwata̱. 46 Masingeji ci mu ali! Buna bu ka̱ri na cutan bu kurya!>>