1 xenyum eyemmaθen tessenem elli eseδenne tweliwwem likenc δ elbaTel. 2 w θessenem, qebl n elli exendnas, exenεemlenc belgde g filibbi, w reγm elli nufe elmuεerDeθ δ temeqqerθ, errebbenne yuceyane elquwweθ δ temeqqerθ bac e nbeccer s ellinjiyl. 3 w nečin enneSSeHc s tixerxas ziγ s elHiyleθ ziγ s exδaε. 4 belεeks erreb yufeyane qadriyn yesθemnane f ellinjiyl. w nečin netbeccer muc bac e nreDDe leεbaδ emme bac e nreDDe erreb elli yetjerreb g ulewnenne. 5 w edwinne muc δ imretteb emmax i θesnem, w muc δ eTmeε w erreb exenyecheδ s wah. 6 w enHewwemc f elmdiyH n leεbaδ y nečin, la seg xenyum w la seg elγirewwem. emmale wah δ elHeqqenne max e neĎleb essiywem egget, εlexaTerne δ imersal n elmesiyH. 7 emme max i nkan iδwem nkan netεamel diywem emmax i tεawen temeTTuθ elli tessesfe g idreris. 8 nečin nexsawem elineδwel nexs exennuwc muc kan δ ellinjiyl n rebbi berk emme Hette δ lerweHenne zade, εlexaTer teδwelem etεezzem fellane egget.

9 w xenyum ettesfekkarem ey ewmaθen max i nexδem netεeb, εlexaTer nkan netbelγawem g elbcareθ n erreb, nkan nxeddem g deggiδ d dugges bac enDellebc seg Hed essiywem. 10 xenyum eθechδem w erreb eyecheδ max i nkan netteSSerraf jar imumnen, s eTTehareθ d etteqwe w blac elεiyb. 11 w xenyum tessenem elli nεemlawem emmax yetεawen eryaz g idreris. 12 nkan nečejjeε w netεezze δiywem w nĎelleb essiywem, eθedrem emmax i yexs erreb elli yetnebeyawem bac eθeδfem elmemlexθes čerxem g eljlales.

13 w zaδe enecxer erreb diyme εlexaTer max i θesliym edwi elli nbecrawem essis teqblemti muc m edwi nleεbaδ emme emmax nette belHeq δ edwi n erreb elli yxeddem δiywem xenyum imumnen. 14 teδwlem ya ewmeθniyw m eljmaεeθ n imumnen g temuwreθ n yehuwde, meεnahe ecceεb n elmesiyH yesuwε elli δiyn, elyehuwd εeδbenten, emmax xenyum zade temurθewwem tεeδbawem. 15 elyehuwd nihnin elli nγiyn seyyedne yesuwε d lembiye, w ture δexenεeδben nečin zade. w nihnin esserdenc erreb w etεaδan leεbaδ elkul. 16 w exennedjinc enbecer y elli muc δ uδayen bac elmenεenc. w renniyn g eδnubensen eyendeγ εlac e yeggez fellasen elγuc n erreb y ellexxer.

17 emme nečin ya ewmaθen, max i nebεeδ fellawem elmuddeθ δ tiqSeyyerθ, s uwδem berk w muc s uwl, nerni necθeqawem exθer w nexs anezr uδmewwem. 18 heδake εlac nexs ednes tweliwwem bexSuSi neč buwlus, Hewle exθer n elmerreθ, emme ecciyĎan exenyedjiyc.

19 δwiyn δ eykuwn elferHenne d ettaj n erjenne as elli edyes seyyedne yesuwε elmesiyH? beTbiyεe δ xenyum. 20 belHeq xenyum elmejδenne d elferHenne.