1 g esukkas iglewwel seg elεehδ n daryuws ben Hecwiyr, elmaday s ennesl, elli yemHuT δ elmlek f babel, 2 fheme neč danyal seg elqrayeθ n imujelden elεδeδ n isukkasen elli yenne erreb y enbi ermiya bac e θemmexle urceliym, w netteθ sebεiyn esne.

3 eĎlbe erreb s θzalliθ d edεe d ezuwmi d ariD n elmsuwH d teqiymiθ f iγeδ. 4 ezzelle y erreb siydiy eεθerfe enne: ey erreb εĎiym w elli yetmekkeδ, etteTfeδ elεehδ d erreHmeθ y elli exsnax w xedmen s elwSayax, 5 nečin neγleĎ neθmerreδ neg eccer nebεeδ f elwSayax d leHkamex, 6 d elli nesli seg lenbyax elli uθlayen s ellesmex y lemlukenne d imeqqernenne d lejdadenne d leεbaδ elkul n temurθenne. 7 ya rebbi, γerx elHeq g elli θegit, w y nečin esse leεbaδ tezeδfi n uwδem, nečin iryazen n yehuwδa d elli nεemmer g urceliym d ecceεb n israYiyl elkul, elli qreben d elli bεeδen, g lemden elkul elli θgelbetten tweliys f elxyentensen. 8 y nečin zaδe tezeδfi n uwδem w ilemlukenne d imeqqernenne d daddeθne, εlexaTer neγleĎ ezzeθex, 9 w y cex erreb siydiy erreHmeθ d esmaH εlexaTer neθmerreδ fellax, 10 w ennesliyc edwi n erreb siydiyθne, w ennuyurc g ebriδ n eccriεθex elli θHuTTettent ezzeθenne s ifessen n lenbyax. 11 ecceεb n israYiyl elkul yeθεedde eccriεθex, w elleslinc edwiyx, eyendeγ θeggez fellane elleεneθ elli θemmari g ecceriyεeθ n elεbδex muwse εlexaTer neγleĎ ezzeθex. 12 tegeδ edwi elli tuθlayeδ essis fellane d elHukkamenne elli Hekmen δiyne, tsugseδ fellane ennekbeθ δ temeqqarθ εlexaTer elli ySar g urceliym liSarc m nette seddu esme. 13 w emmax i yemmari g ecceriyεeθ n muwse, teggez fellane ennekbeθe emeqqar menγiyr eneĎleb essix esmaH entab f eδnubenne, nessen elHeqqex. 14 heδakeεlac θessugzeδ fellane ennekbeθe, εlexatrek δ eHeqqi g elli ettegeδ δiys elkul, w nečin ennesliyc edwiyx. 15 w ture ey erreb siydiy cex θessufγeδ ecceεbex seg elqeεεeθ n miSr s elquδreθ δ temeqqerθ, tegeδ y imenex ellesm el asse, emme nečin neγleD neg eccer. 16 w emmax i θkaneδ δ eHeqqi g elli ettegeδ δiys elkul, ekkes elγuccex f elmdintex urceliym, eddehrθex timqeddesθ, f elxaĎer n elxĎeyenne d elleθm n midnenne δwelen elli enneDen essiyne elkul etεeyaren g urceliym d ecceεbex. 17 w ture esl y θzalliθ n elεebδex d edεes, tenziyδ s TiT n erreHmeθ y elmeqdsex elli yemmexreb, w wah elkul f elxeĎrex ya siydiy. 18 uwc temedjiθex tesleδ. miyr TiTTawinex θenziyδ elxerbeθenne d elmdiyneθ elli elesmex yemmemdeHe δiys. w nečin exenδeεεu muc εlexaTer nečin δ eSSullaH, emme εlexaTer erreHmtex δ temeqqerθ. 19 ya siydiy esl. ya siydiy sameH. ya siydiy esl tegeδ, eθεeTlec, w wah elkul f elxeĎrex ya siydiy, εlexaTer ellesmex yemsemme f elmdintex d elceεbex.

20 <<w elweqθ elli neč δukkiyγ w etzalliγ w etteεθerfe s elxĎayaw d elxĎaye n ecceεb n israYiyl, w δeεεuwγ ezzaθ n erreb f elxaĎer n eddehrθes timqeddesθ, 21 neč siyn w elmlax jibriyl elli zrixθ g ellewwel n eθheyyeY, yessiylel fiyseε ylemsi g elweqθ n ewce y rebbi g eθsemsiyn, 22 yfehmiyδ yenniyδ: ha, danyal effeγe w tay usiyγd bac e xerre tfehmeδ eθheyyeY. 23 seg ellewwel n tzalliθex yerre rebbi, w usiγd neč bac e xeddeγe eljwab n rebbi εlexaTer nette yexsex egget. emmale esseγδ tefhmeδ eljwab f eθheyyeY. 24 yHuT erreb sebεiyn merre sebεe sniyn f ecceεbex d elmdintex timqeddesθ bac e ykemmel elmeεSyeθ d eδδemb, yeγfarsen, yeHellel elHeq diyme, ytemmem eθheyyeY d ennubuwweθ, eqeddus n leqdas eyemmemseH. 25 emmale esl tefhmeδ seg elli yeffeγ ellemr s eεaweδ n ebne n urceliym el waseδ n elmesiyH elmlek, w δ yeθεεedde sebε sniyn sebε merraθ d sebε sniyn θniyn w settiyn merre, usinc eθemεaweδ eθemmebne elmdiyneθ δiys essaHeθ d essur, emme g elweqθ δiys eddiyq. 26 w beεεeδ sebε sniyn θniyn w settiyn merre e yemmenγ elmesiyH reGmelli nette elyegi ciy yuHec, usinc edyes errayes s eljices yxerreb elmdiyneθ d elmeqdes. usiync ettas elexreθ m eTTuwfan, usinc edyes elHerb d elxrab emmax i yenne fellasen rebbi. 27 w g sebε sniyn ayeg erreyse y egget δ leεbaδ elεehδ δ eθθabet, w g emmas n elmuddeθ e ybeTTel eγras d ewce, w g eccefeθ n elheykel eyeg enjasaθ n elxrab, usinc e θeqqiym δiyn elmi yeggez elγuc n erreb felles.>>